«Тозақта өмір сүрдім». Күйеуінен зәбір көрген ақтаулық әйел бейнежазба жариялады

Ақтаулық көпбалалы әйел Арайлым күйеуінің қоқан-лоққысынан қорқып, Ақтаудан қашуға мәжбүр болған. Полицияның қорғау туралы нұсқамалығы да күйеуінің әрекетіне еш кедергі болмай тұрғанын айтады. Бұл жайында өзі Aktau Lada ютуб-арнасында жарияланған бейнежазбада айтып берді, деп хабарлайды Malim.kz.

Оның айтуынша, соңғы кездесуінде күйеуі оны көлікпен қуып, жолды жауып, көліктен түсуді талап еткен, терезесін сындырған. Келген полицейлерден де көп қайыр болмағанын айтады. Сақтық үшін жедел-жәрдем де шақырылған. Арайлымның өзі сол сәтте денесі дірілдеп, әрең сөйлеп, келген жедел-жәрдем көлігіне көтеріп апарған.

Мен тозақта өмір сүрдім. Мен оны 23 жасымда тастап кеткім келді, бірақ менің үш кішкентай балам болды. Ол оны ата-аналық құқығынан айырамын деп қорқытты, аңғал және жас едім. Қорықтым. Сөйтіп қайтып келдім. Ақыры ұрып-соғып, ауруханаға түстім. Палатада жатып, барлығын ұрып-соққаны есімде, мен одан ешқандай жағдайда полицияға хабарласпау керек және оны масқара етпеу керектігі туралы хабарламалар алдым, дейді ол.

Ақпан айында шыдамы таусылған ол бірнеше рет ұрып-соққан соң ажырасуға арыз жазып, балаларымен жалдамалы пәтерге көшуді ұйғарады. Бірақ қудалау бәрібір тоқтамаған.

Арайлым осы жағдайға байланысты құзырлы органдарға, тұрмыстық зорлық-зомбылықпен күресу қорларына, тіпті ел Президентіне де хат жолдаған.

Фото: видеодан скрин