Туған анасын іздеген Еуропада өскен қазақ жігіті жан сырын ақтарды
Ол Арқалықтағы балалар үйінен 2 жасында кеткен
Еуропада өсіп, Қазақстандағы туған анасын іздеген Мұрат Савельев жантебірентерлік жазба жариялады, деп хабарлайды Malim.kz.
Ол 2023 жылдан бері туған анасын іздеп келеді. Арқалықтағы балалар үйінен 2 жасында кеткен Мұратты бельгиялық әйел асырап алған болатын. Жақында ол әйелдің де өмірден өткені белгілі. Ешқандай кедергіге қарамастан Еуропада өскен қазақ жігіті туған анасын іздеп келеді.
"Биыл қуантқан, мұңайтқан сәттер де болды, бірақ, мені мазалайтын жалғыз сұрақ: «Анашым, қайдасың?». Кейде менен неге анамды немесе отбасымды тапқым келетінін сұрайтындар бар, бұл сұрақтың жауабы түсінікті деп ойлаймын. Адамға өмірді бірге сүретін анасы, әкесі, аға-інісі, қарындас-әпкесі болуы керек қой. Бөлек қалып, жылап жүрмей, бірге жүріп, мықты болған дұрыс деп ойлаймын. Мысалы, ата-анаммен, аға-қарындаспен бірге Жаңа жыл мерекесін тойласам, керемет емес пе? Менің жаңа жылдық сыйлығым – өздеріңіз, бұл сөзсіз! Маған әке-шешемдей жақсылық тілеп отыратын қазақ елі бар деген ойдың өзі жүрегіме жылу сыйлайды", - деп жазды Мұрат Савельев.
MalimBlocks
