«Денсаулығы нашарлап, қиналып жатыр». Бельгиялық әйел асырап алған Жәнібек соңғы жаңалығын бөлісті
Ол басына түскен қиын жағдай туралы айтып берді.
Бельгиялық әйел асырап алған қазақ баласы Жәнібек Савельев өмірінде болып жатқан өзгерістер туралы айтып берді, деп хабарлайды Malim.kz.
Ол анасын іздеуді тоқтатпаған Қымбат Досжанға алғыс айтты.
Туған анамды іздегеніме 6 айға жуық уақыт өтсе де, анамдай болып кеткен Қымбат апайым мен әпкемдей болған Әсел, Арқалық полициясы іздеуді тоқтатқан емес. ДНҚ зерттеулері үздіксіз тапсырылып, тексеріліп жатыр, Осындай маңызды жұмыс жүргізіп жатқан барша жанашырларыма алғыс айтамын, - дейді Жәнібек.
Жәнібек қазір қиын жағдайды басынан өткеріп жүргенін жасырмады. Оны 2 жасында асырап алған әйел науқастанып қалған.
Өзіме келер болсам, жеке басым үшін соңғы кезде оңай болмай тұр. Асырап алған анамның денсаулығы нашарлап, қатты қиналып жатыр. Мен анама, алдыңғы бейнероликте сіздердің жазған жүрекжарды пікірлеріңізді оқып беріп, көңілін көтердім. Әрине бұның бәрі уақытша көңілін аулау екенін түсінемін. Ал жоспарым туралы айтар болсам, алдағы уақытта менің балалық шағымнан (балалар үйі) хабар беретін әдемі және қызықты бейнебаян жариялаймын. Және Алла қолдасын, жақында өздеріңізбен кездесемін деп үміттенемін!, - деп жазды ол.
Фото: Видеодан скрин
