Ұлытау облысындағы жолдардың жағдайы назарға алынды
Жол учаскесін мердігерлік ұйым жөндейтін болады.
Президенттің жол саласындағы жемқорлық көріністерін жою туралы тапсырмасын орындау мақсатында Ұлытау облысының Сыбайлас жемқорлыққа қарсы қызметі қоғам мен жергілікті атқарушы органдар, «ҚазАвтоЖол» ҰК және «Жол активтері сапасының ұлттық орталығы» ШЖҚ РМК өкілдерінен құралған мониторингтік топпен бірлесіп 9 учаскедегі автожолдарды салу және реконструкциялау сапасын бақылауға алған.
Биыл маусым айында «Сәтбаев-Малшыбай-Жошыхан, Домбауыл кесенесі», «Қаражал-Атасу» және А-16 «Жезқазған - Петропавл» (143-163 км) жол учаскелерінде мониторингтік топ жарықтар, шөгінділер, шұңқырлар, қабыршақтану және т. б. сияқты түрлі ақауларды анықтады.
Жол жамылғысының сапасын жақсарту бойынша қабылданған шаралар шеңберінде аталған кемшіліктер жойылды.
Сонымен қатар, 2024 жылдың шілде айында «Жезқазған-Петропавл» А-16 автожолы учаскесін қорытынды бақылау барысында 151 және 155 километрде асфальтбетон жабынының жоғарғы қабатының тегіс еместігі анықталды.
Анықталған кемшіліктер жол қауіпсіздігінің нашарлауына, көліктердің бұзылуына және жол инфрақұрылымының жалпы жағдайына кері әсер етуі мүмкін.
Жол учаскесін мердігерлік ұйымы жөндейтін болады.
Анықталған жағдайларды оңтайландыру жұмыстары жалғасуда және Сыбайлас жемқорлыққа қарсы қызметтің ерекше бақылауында.
Егер Сіз жемқорлық фактілеріне тап болсаңыз, @antikorkz_bot Telegram-боты немесе 1424 нөмірі арқылы шұғыл хабарлаңыз.
Фото: e-history.kz
