Қазақстан Ұлттық қауіпсіздік комитеті шетелдік құқық қорғау және арнайы органдармен бірлесіп, Шығыс Азия елдеріне бағытталған халықаралық есірткі жеткізу арнасын әшкерелеп, оның жолын кесті, деп хабарлайды Malim.kz ҰҚК баспасөз қызметіне сілтеме жасап.
Арнайы операция кезінде 10 келіден астам метамфетамин тәркіленген. Алдын ала мәлімет бойынша, есірткінің бұл партиясының аталған өңірдегі қара нарықтағы құны 2,4 миллион АҚШ долларынан асады.
Қазір бұл факт бойынша шетелдік серіктес органдар алдын ала тергеу жұмыстарын жүргізіп жатыр. ҰҚК мәліметінше, халықаралық есірткі трафигін жоюға бағытталған іс-шаралар жалғасып жатыр.
Ведомствоның мәлімдеуінше, ҰҚК трансұлттық қылмыстық топтармен күрес аясында мұндай операцияларды тұрақты түрде жүзеге асырып келеді.
Фото: ҰҚК
Байланысты жаналықтар
MalimBlocks
