USAID ресми түрде жабылады
АҚШ-тың Халықаралық даму жөніндегі агенттігі (USAID) жабылады. Бұл туралы АҚШ мемлекеттік хатшысы Марко Рубио X әлеуметтік желісінде мәлімдеді, деп хабарлайды Malim.kz.
Рубионың айтуынша, қаңтар айынан бері АҚШ президенті Дональд Трамптың әкімшілігі салық төлеушілерге “ондаған миллиард доллар” үнемдеген.
“Негізгі бірқатар бағдарламаны Мемлекеттік департаментке бергеннен кейін USAID ресми түрде жабылады. Енді агенттікті жабу процесін әкімшілік-бюджеттік басқарманың директоры Рассел Воут басқарады. Құттықтаймын, Расс”, – деп жазды ол.
Ақпан айында АҚШ президенті Дональд Трамп халықаралық даму саласындағы қаржыландыруды тоқтату және көмекті тоқтата тұру туралы жарлыққа қол қойған болатын. Трамп әкімшілігі USAID қызметін ысырапшылдық пен заңбұзушылыққа жол берді деп сынға алып, сондай-ақ агенттік қаржыландырған кейбір жобаларды “Әл-Каида” мен есірткімен байланысты деп айыптады.
Фото:depositphotos.com/kasasagiproductions@yahoo.com
Ең көп оқылған
