«Жүр, тамағыңды же, ырбимай». Желіде тек қазақша түсінетін ит көрерменін таң қалдырды
Ол орысшалап шақырғанға еш құлақ аспайды
Әлеуметтік желіде papa_mailo аккаунтымен танымал қолданушының Майлыбек есімді иті көпшілікті сүйсінтті. Майлыбек тек қазақша айтқанды ғана ұғады, деп хабарлайды Malim.kz.
Видеода Майлыбекке иесі тамақ бермек болады. Бірақ иті оның орысшалап шақырғанына еш құлақ аспайды. Ақырында амалы құрығандықтан қазақшалап айтқанына бірден елең етеді.
«Патриот дегеніңіз осы. «Жүр, тамағыңды же» деп айтпайынша, ең сүйікті деген колбасаның өзіне алданбайды» деп жазды автор.
Ал астына пікір жазғандар Майлыбектің әрекетіне қатты сүйсінген.
«Майлоның партриот екенін біле тұра неге орысша сөйлейсіз және ұрыспаңызшы», «Майлуха қазақша білмейтін қазақтарға қарағанда намысшыл екен», «Ит те біледі қазаққа қазақша сөйлеу керек екенін» деп жазған.
Фото: instagram/papa_mailo
MalimBlocks
