Шымкентте итті көлікпен сүйреген жүргізуші жауапқа тартылды

Шымкент тұрғыны итін көлігіне шынжырмен байлап, көше аралаған. Үй жануарына аса қатыгездік танытқан жүргізушінің әрекеті әлеуметтік желіде тарап кетті, - деп хабарлайды Мalim.kz тілшісі inbusiness.kz порталына сілтеме жасап.   

Оны өзге тұрғындар тоқтатып, итті азаптауға болмайтынын, полицияға хабар беріп, шағымданатынын айтты. Ал жүргізуші адамдардың қысымынан соң, итті жүк салғышқа салып алған.

Бұл жағдай бойынша Шымкент қаласы полиция департаментінің баспасөз қызметі құқықбұзушының анықталып, полицияға жеткізілгенін мәлімдеді.

"Жүргізуші жануарға қатыгездікпен қарағаны үшін жауапқа тартылды", – делінген ведомства апаратында.

Фото: Pixabay.com