"Аманат" партиясының кезектен тыс съезі өтеді. Бұл туралы партияның атқарушысы хатшысы Асхат Оралов хабарлады.
"Бүгін «AMANAT» партиясының Төрағасы Қасым-Жомарт Тоқаев осы жылдың 26 сәуірінде кезектен тыс XXIII Съезді шақыру туралы шешім қабылдады.
Оған барлық өңірлерден делегаттар қатысады. Съезд онлайн форматта өтеді. Орталық аппарат филиалдармен бірлесіп дайындық іс-шараларын бастады", - деді Оралов Фейсбуктағы ресми парақшасында.
Ол, сондай-ақ, "съезд барысында «ADAL» саяси партиясының «AMANAT» партиясына қосылуы туралы" мәселе қаралатынын да жазды.
