Камала Харрис Дональд Трамптың қаупі туралы ескертті
АҚШ президенті Джо Байден мен вице-президент Камала Харрис Республикашылдар партиясының кандидаты Дональд Трамптың америкалық демократияға қауіп төндіретінін айтты. Байден 7 тамызда CBS-ке берген сұхбатында "Егер Трамп жеңіліп қалса, АҚШ-тағы президенттік сайлаудан кейін биліктің бейбіт түрде ауысуына "мүлдем сенімді емеспін" деп мәлімдеді.
Харрис қараша айындағы сайлауда Трамп жеңіске жеткен жағдайда,ол "бірінші күнен" диктатор болатынын алға тартты. Сондай-ақ, әділет министрлігін өзінің саяси қарсыластарын қудалау құралы ретінде қолданатындығын жеткізді. 2022 жылдың соңында Трамп сайлаудағы манипуляциялар нәтижесінде
президенттіктің екінші мерзіміне қол жеткізе алмағанын мәлімдеген еді.
"Осы ауқымдағы алаяқтық барлық ережелер мен баптарды, тіпті Конституцияда дүниелерді жоюға мүмкіндік береді", - деп жазған еді Трамп сол уақыттары.
"Америка Құрама Штаттарының Конституциясын тоқтатуды ұсынатын адам ешқашан Президенттің мөрін ұстамауы керек", - деді Харрис Висконсин штатындағы О-Клэр қаласында демократтардың сайлауалды емес митингісінде сөйлеген сөзінде.
Ол америкалықтарды трампизмнің "хаосын, қорқынышын және жеккөрушілігін" жоққа шығаруға шақырды.
Харристің пікірінше, Трамптың президенттікке оралуы елді өткен дәуірге апарады. Демократиялық партияның кандидаты Трамптың жыныстық зорлық-зомбылық жасағаны үшін жауап бергенін және миллиондаған долларлық алаяқтық үшін сотталғанын көпшілік қаперіне салды.
Фото: dw.com
"Неміс толқыны" материалы бойынша дайындалды
