Мемлекет басшысы Халықаралық дзюдо федерациясының президенті Мариус Визермен кездесті
Тоқаев Будапешт қаласындағы Халықаралық дзюдо федерациясының штаб-пәтеріне барды.
Қасым-Жомарт Тоқаев Будапешт қаласындағы Халықаралық дзюдо федерациясының штаб-пәтеріне барды.
IJF басшысымен әңгімелесу барысында осы танымал спорт түрін елімізде дамыту перспективасы талқыланды. Мариус Визер Қазақстан дзюдоны қолдауға арналған дәйекті шараларды жүзеге асырып жатқанын атап өтті. Сонымен қатар спортшыларымыздың халықаралық жарыстардағы нәтижелеріне және Қазақстан дзюдо федерациясының жұмысына жоғары баға берді.
Айта кетейік, бұған дейін Қасым-Жомарт Тоқаев Будапештте Виктор Орбанмен келіссөз жүргізді.
Қазақстан мен Мажарстан ортақ бастамаларды жүзеге асыруды көздейтін Бірлескен мәлімдеме қабылдады.
Қасым-Жомарт Тоқаев пен Виктор Орбан БАҚ өкілдері үшін брифинг өткізді.
Фото: Ақорда
