Фото: REUTERS
Украина билігі соңғы 73 күнде алғаш рет Киевке Ресей әскерінің жаппай шабуыл жасағанын хабарлады. Бұл туралы ВВС жазды.
Ресей зымырандар мен дрондардың бірлескен қосыны арқылы шабуылдаған. Бұл соңғы 73 күнде болмаған ең ірі шабуыл. Бұл жөнінде Киев қалалық әскери әкімшілігінің басшысы Сергей Попко мәлімдеді.
Оның айтуынша, шабуылға әуеден соққылайтын қанатты зымырандар, КН-23/КН-24/Искандер-М баллистикалық зымырандар, Шахед типті дрондар және басқа да соғыс құрылғылары қатысқан болуы мүмкін.
«Киевтегі әуе дабылы дрондар шабуылы қаупіне байланысты таңғы алты жарымда жарияланды және ол кезде қанатты зымырандар Киев облысына қарай бағытталып жатты», – деп жазды Попко телерграм арнасында.
«Зымырандар Киевке жақындай бергенде, жау бір мезгілде астанаға баллистикалық соққы берді. Жаудың шабуылы дрондармен аяқталды», – деп жазды ол.
Киевке шабуыл екі сағаттан астам уақытқа созылған. «Бірнеше қанатты зымырандар, бірнеше баллистикалық зымырандар және он шақты дрон жойылды».
Украина әскери-әуе күштері шабуылға тойтарыс бергені туралы әзірге нақты хабарлаған жоқ. Ресей тарапы да бүгінгі шабуыл жайында ешқандай мәлімет таратпады. Киевте зардап шеккендер туралы толық ақпарат мәлім емес. Попконың мәлімдемесінен кейін тағы да әуе шабуылы жайында дабыл қағылған.
Бұған дейін Ресей Қорғаныс министрлігі алты аймақта 29 дронның атып түсірілгенін хабарлаған еді.
Әуе шабуылына қарсы қорғаныс жүйелері бір түнде Воронеж, Брянск, Белгород, Курск, Тверь және Пенза облыстарының үстінде Украинаның 29 әскери дронын атып түсірді, деп хабарлады ресейлік әскерилер
Байланысты жаналықтар
MalimBlocks
