Ресейге қарсы соғысып жүрген қазақстандыққа азаматтық беру ұсынылды
Ол 2021 жылдың күзінен бері Украина үшін соғысып жүр
Украина әскері сапында жүрген қазақстандық Жасұлан Дүйсембинге сол елдің азаматтығы берілуі мүмкін. Оған азаматтық беру туралы президент Зеленскийдің атына онлайн петиция жолданды.
Бұл жайында украиналық журналист Сергей Пейчев жазды. Оның айтуынша Жасұлан Дүйсембин азаматтығы болмаса да 2021 жылдың күзінен бері Украина үшін майдан даласында жүр.
«Украина қарулы күштерінің құрамында Украинаны қорғап жүрген қазақстандық Жасұлан Дүйсембинге азаматтық беруіңізді сұраймын. Дүйсембинов 2015 жылдан бері Украинада тұрады. Украиналық әйелі және екі баласы бар. Ол ел аумағындағы қақтығыстарда өз өмірін қатерге тігіп, майданда тер төгіп жүр. Сондай-ақ ІІІ дәрежелі «Ерлігі үшін» орденімен марапатталған. Донбасстағы шайқастардың бірінде оның төлқұжаты өртеніп кеткен болатын. Ал Мемлекеттік көші-қон қызметі оған Украина азаматтығын беруден бас тартып отыр», - деп жазылған жазбада.
Айта кетейік, Жасұлан Дүйсембин Арқалық қаласының тумасы. Астанадағы №16 орта мектепті бітірген. 2015 жылы Украинаға қоныс аударған.
MalimBlocks
Бәрі сотталады: шетелдегі соғыстарға қанша қазақстандық қатысқан?
1 сәуірде желіде Украинаға қарсы соғысқа қатысқан 660-тан аса қазақстандықтың аты-жөні бар тізім пайда болды. ҚР ІІМ бұл ақпарат расталмағанын айтып, тексеруді талап ететінін мәлімдеді. Tengrinews.kz редакциясы бұл мәселе бойынша ашық деректерді зерттеген
