Өзбекстан президенті Шавкат МИРЗИЁЕВ сталиндік репрессия құрбандарын естен шығармай, олардың атына мектеп, аудан аттарын беру керек деді. Бұл туралы мемлекет басшысы 31 тамыз репрессия құрбандарын еске алу күні айтты.
Өзбек басшысы қызылдардың қуғынына түскен 100 мың адамның есімі ұлықталып, әр қайсының өмір тарихы зерттелу керек деді. Олар Өзбекстанның азаттығы үшін күресті. Сол үшін тарихи әділеттілік орнауы тиіс деді президент МИРЗИЁЕВ.
«Ол адамдар нағыз лидерлер еді. Зиялылардың қаймағы. Үздік әдебиетшілер мен мәдениет қайраткерлері. Біздің Отанамыз үшін қандай ұлы істерді атқарар еді. Егер қуғын-сүргінге ұшырамаса ғылым, экономика, мәдениет, әдебиет саласында біздің халқымыз үлкен шыңдарды бағындырған болар еді», - деді Өзбекстан президенті.
Президент баспасөз қызметінің мәліметінше 1937-1953 жылдары Өзбекстанда 100 мың адам қуғын-сүргінге ұшырап, 13 мың адам атылған.
Фото: news.tajweek.tj
MalimBlocks
