Сыбайлас жемқорлыққа қарсы агенттік: «Маминге қылмыстық іс қозғалмайды»

Мамин Үкіметті басқарған жылдары халықтың көңілін көншітерлік жұмыс атқарған жоқ.

Malim Админ

  • 13.05.2022

Қасіретті қаңтар оқиғасынан кейін отставкаға кеткен экс-премьерге қатысты қылмыстық іс қозғалған жоқ. Орталық коммуникацилар қызметіндегі баспасөз мәслихатында журналист сұрағына Сыбайлас жемқорлыққа қарсы агенттік өкілі осылай жауап берді.  


Агенттік төрағасының орынбасары Ұлан Сарқұлов  «Бірден айтайын, Асқар Маминге қатысты біздің агенттікте қылмыстық іс жүргізіліп жатқан жоқ», - деді.  Журналистер бұл сұрақты бекерден бекер  қоймаса керек.  Мамин Үкіметті басқарған жылдары халықтың көңілін көншітерлік жұмыс атқарған жоқ. Үкімет ылғи да келеңсіздіктер мен қиындықтарға тап бола берді. Соның бірі Арыстағы алапат жарылыс. 2019 жылы Арыс қаласы маңындағы әскери қоймада жарылыс болып, адамдар көз жұмды.  

Келтірілген шығын 173 млрд теңгеге жеткені мәлім. Мамин Үкіметі тосыннан болған оқыс оқиғаға дайын болмады. Дүрліккен елді   уақытша орналастыру және олардың әлеуметтік мәселесін шешу бірнеше күнге созылып, халық наразылығын өршіткені есте. Былтыр Жамбыл облысы Байзақ ауданындағы әскери қойманың жарылысы да Маминнің билігі кезінде орын алды.

Енді оған коронавиру кезіндегі қиын ахуалды қосыңыз. Науқастан титықтаған жұрт бір жұтым ауаға зар болып, жасанды тыныс алдыру аппараттары қоймада қатталып тұрды. Салдарынан қаншама тұрғын ажал құшты. 

Мамин  «Қазақстан темір жолы» Ұлттық компаниясын да шығынға батырып, тұралатып кетті. Есеп комитетінің мәліметінше, 2020 жылы  «Қазақстан темір жолының»   қарызы  1 триллион 486,1 миллиард теңге болды.  Былтыр компанияның сыртқы қарызы 1,9 трлн теңгеге жетіп жығылды. Бұдан бөлек,    пойыз билеттеріне алыпсатарлық жасалып,   бағасы қолдан  көтерілді. Тозығы жеткен вагондар да халықтың жүйкесін құртып бітті. Өткен жылы жолаушылар вагондарының   28 пайызы әбден ескіргені белгілі болды. Тіпті  20 жылдан астам уақыт  қолданылып жүрген жолаушылар вагондары халық сынына ілікті.

ҚТЖ   автожол секторы, әуежайлар,  халықаралық «Қорғас» шекаралық ынтымақтастық орталығының табысын алып отырды. Соңғы бес-алты жылда осы компанияға 171 млрд теңге мемлекеттік субсидия  бөлініп келді. Кейінгі кездері халықтың зейнетақы қорынан да теміржол саласына көп мөлшерде  қаржы құйылғаны белгілі.

Бәрін айт та бірін айт, оңтүстікте 300 мың тонна қырыққабат бұзылып кеткенде оны көму үшін 2 млрд теңге қаржы жұмсаған Маминді қалай ақтайсыз?! 

Елдің игілігін сүлікше сорып, бұқараны үнемі қиындыққа батырған экс-министрге халықтың сұрауы бар?  Экономиканы құрдымға кетіріп, әлеуметтік ахуалды ушықтырып,  газ бағасын шарықтатып, оның соңы трагедияға жалғануына бірден-бір себепкер адам қалайша сүттен ақ, судан таза болып жүре береді?    

О.Әбіл   

 

Байланысты жаналықтар

Мырзахметовтің ісі бойынша сот процесі басталды

22.01.2024

Оралда "аса қауіпті аурулар" 55 млн теңгені жеп қойған 

16.10.2023

Пара алғыш Шымкент шенеуніктері айыппұлмен құтылды

02.08.2023

Балалар әдебиетін жемқорлық өрге бастырмай тұр

20.07.2023

Төтенше жағдай. Шенеуніктер шеттерінен ұсталуда

20.07.2023

Алматының урбанистика басқармасының басшысы ұсталды

19.07.2023
MalimBlocks
Мырзахметовтің ісі бойынша сот процесі басталды

“Атамекен” ұлтттық кәсіпкерлер палатасының бұрынғы төрағасы Абылай Мырзахметовтің ісіне қатысты сот отырысы басталды. Бұл істі қарап жатқан прокурор Бауыржан Шекенов сотты жабық режимде өткізуге өтініш берген.

Оралда "аса қауіпті аурулар" 55 млн теңгені жеп қойған 

Орал қаласындағы Жәңгір хан атындағы аграрлық-техникалық университетінің ғылыми қызметкерлерінің үстінен қаржы жымқыру фактісі бойынша сотқа дейінгі тергеу басталған. Бұл туралы Бас прокуратураның ресми өкілі Дархан Дүйсембай мәлімдеді.

Пара алғыш Шымкент шенеуніктері айыппұлмен құтылды

Шымкент қаласының қылмыстық істер жөніндегі ауданаралық соты білім басқармасының мамандары А. Шиндаулов пен М. Мейірбековке қатысты үкім шығарды.

Балалар әдебиетін жемқорлық өрге бастырмай тұр

Жемқорлар жайлаған тендердің «жеңімпаз» баспаларына министрліктегілер ескерту жасай алмайды

Төтенше жағдай. Шенеуніктер шеттерінен ұсталуда

Ұлттық қауіпсіздік комитеті Шымкент қаласы әкімінің орынбасары Мақсұт Исаховты ұстады.

Алматының урбанистика басқармасының басшысы ұсталды

Сыбайлас жемқорлыққа қарсы қызмет Алматы қаласының жер қатынастары саласындағы жүйелі жемқорлық фактілері бойынша қылмыстық істерді анықтады.