Таубаев сотталды, бос жатқан Досмұхамбетов не істейді?

Екі жарым жылдан аса тергелген жемқорлық ісі бойынша шешім шықты. Енді не болады?

  • 17.05.2022

Атырау облысы әкімінің бұрынғы бірінші орынбасары Нұрлан Таубаев 10 жылға бас бостандығынан айрылды. Рас, әлі бұл үкім заңды түрде күшіне енген жоқ, бірақ, Атырау облыстық мамандандырылған ауданарлық соты осындай шешім шығарды.

2020 жылдың 10 қыркүйегінде ұсталған Таубаев соттағы соңғы сөзінде кінәсін мойындамады. Ол бұған дейін де айтып келген сөзін қайталап, өзін пара алу ісі іске асқаннан бір сағат бұрын тергеушілердің ештеңе түсіндірместен алып кеткенін айтты.

«Құрметті сот, маған бәрі өте түсінікті. Сіз айтқан үкім сөзбе сөз, үтір-нүктесіне дейін прокурордың айыптау актісінен алынған. 10 қыркүйек күні жемқорлыққа қарсы қызмет мені алдап жемқорлыққа қарсы қызмет ғимаратына алып келді. Басаров жасады деген қылмыстан бір сағат бұрын, қайталап айтам, алдап әкелді және бір сағатқа дейін маған ештеңе түсіндірген жоқ, ешқандай құқымды талап етуге мүмкіндік берген жоқ. Бұл қылмыс жасалардан бір сағат бұрын болған оқиға, назар аударуларыңызды сұраймын. Тек ертеңіне ғана маған пара алдың деген айып таға бастады», - деді.

Оқи отырыңыз: Ұсталған шенеунік: Ноғаевпен сыйыспадым

Таубаев айтып отырған Басаров – облыстық құрылыс басқармасының бастығы Тимур Басаров. Ол соттан бұрын Таубаевты кінәлап, пара алуға итермелегенін жіпке тізгендей қылып айтып берген. Сөйтіп, аурухана салуға бөлінбек ақшадан 10% «шапка» сұраған қос шенеунік сот шешімі шығар қарсаңда бір бірін айыптай сөйлеген. Екі жарым жылдан астам уақыт бойы тергеліп келе жатқан Таубаев-Басаров 185 млн теңге пара алды деген айыптаумен басталған. Бірақ, екі жарым жыл бойы кінәсін мойындамай, сот ісін барынша созып келген Таубаев ақыры 10 жылға, Басаров 5 жылға бас бостандығынан айрылды.

Үкім заңды күшіне қашан енеді, аталған екі экс-шенеунік қашан «қауіпсіздігі барынша төмен мекемеге» ауыстырылады, белгісіз. Және тағы бір белгісіз мәселе – о баста Таубаев ұсталғанда отставкаға кетуге дайын екенін айтқан Досмұхамбетов енді қайтеді? Ол сол кезде қолданысқа енгізілген жаңа заңға сәйкес:

«Заң бәріне ортақ. Егер орынбасарымның қылмысы дәлелденіп, сот шешімі шығар болса, өз еркіммен отставкаға кету үшін өтініш жазуға дайынмын. Ал әрі қарай шешімді Мемлекет басшысы Қасым-Жомарт Тоқаев қабылдайды», – деген.

Сот шешімі шықты. Ол онсыз да бос жатыр, 7 сәуір күні орнына Серік Шәпкенов тағайындалған соң, Атыраудың бұрынғы әкімі басқа бір орынға тағайындалды дегенді естімедік. Демек, оған отставка туралы қауіптенудің реті жоқ. Бірақ, бұрын осылай деп едім ғой деп, арнайы бір мәлімдеме жасай салса... Қанша дегенмен, ұсталғанына екі ай өткенде "облыс әкіміне күмән тумас үшін" қызметінен өз еркімен бас тартқан орынбасары еді ғой. 

Дегенмен, Таубаев мұнымен тоқтамаймын деп отыр. Бұған дейін тіпті, президентке дейін шығатынын, өзінің кінәсіздігін дәлелдемей тоқтамайтынын айтқан: «Бұл істің артында кім тұрғанын да білемін. Өзімнің кінәсіздігімді дәлелдеймін. Тіпті, президентке дейін барамын».  Және дәл осы мәлімдемесінде Атыраудың Досмұхамбетовтен бұрынғы әкімі Нұрлан Ноғаевты да іліп-шалып өткен. «Суға кеткен тал қармайды», Таубаев Маңғыстауда отырған аттасының жағасына жармасар ма екен әлде 5 айға жуық бірге жұмыс істеген, қазір бос жатқан Досмұхамбетовке қол созар ма екен? «Бұл істің артында кім тұрғанын білетін» «кінәсіз» экс-шенеуніктің үнсіз ғана 10 жыл арқалап кетуі мүмкін емес сияқты. 

Фото: Рахим Койлыбаев

Байланысты жаналықтар

Тоқаев Астана халықаралық форумын өткізбеу туралы шешім қабылдады

13.04.2024

Касымбек засекретил рабочий проект экопарка на Талдыколе?

12.04.2024

Президент: Ғылымның әлеуетін табиғи апаттарға қарсы күресу үшін пайдалану маңызды

12.04.2024

Тоқаев Грузия Парламентінің төрағасын қабылдады

12.04.2024

Су тасқыны: Тоқаев қолдау көрсеткен Ердоғанға алғыс айтты

10.04.2024

Тоқаев Путинмен екі елдің шекаралас аймақтарындағы су тасқыны жағдайын талқылады

09.04.2024
MalimBlocks
Тоқаев Астана халықаралық форумын өткізбеу туралы шешім қабылдады

Форум өз жұмысын 2025 жылы жалғастыратын болады.

Касымбек засекретил рабочий проект экопарка на Талдыколе?

Столичные общественники не могут получить от сотрудников акимата рабочий проект строительства экопарка на территории Малого Талдыколя. При этом некие люди уже несколько раз пытались начать строительные работы без документов.

Президент: Ғылымның әлеуетін табиғи апаттарға қарсы күресу үшін пайдалану маңызды

Ғылымды мемлекет дамуының өзекті мәселелерінен бөле-жара қарастыруға болмайды.

Тоқаев Грузия Парламентінің төрағасын қабылдады

Кездесуде екі ел арасындағы мәдени-гуманитарлық байланыстарды нығайтуға баса назар аударылды.

Су тасқыны: Тоқаев қолдау көрсеткен Ердоғанға алғыс айтты

Қазақстан президенті Түркия Республикасымен бауырластық қатынасты, сондай-ақ екі ел халықтары арасындағы тұрақты ынтымақтастық пен өзара тілеулестікті жоғары бағалайтынын мәлімдеді.

Тоқаев Путинмен екі елдің шекаралас аймақтарындағы су тасқыны жағдайын талқылады

Тараптар екі елдің қарым-қатынастары дәстүрлі түрде әрі стратегиялық серіктестік рухында қарқынды дамып келе жатқанын атап өтті.