Жетісу әкімі командасымен көшіп жүретіндер туралы айтты
Әкімнің айтуынша, өңірдегі кадрдың дені жергілікті
Орталық коммуникациялар қызметі алаңында өткен баспасөз мәслихатында Жетісу облысының әкімі Бейбіт Исабаевқа қызмет ауысқанда командасын өзімен ала жүретіндерге қатысты сауал қойылды.
— Жетісуға өзіммен бір адам алып бардым, ол менің көмекшім, Сенат депутаты болып жүргенде бірге жұмыс істегенмін. Әлі күнге дейін менің көмекшім болып жұмыс істейді. Басқа бірде бір адам алып барған жоқпын. Басшылық құрамдағы адамдардың барлығы Жетісу облысының азаматтары, — деп жауап берді Бейбіт Исабаев өңірдің әлеуметтік-экономикалық дамуы туралы есеп беру барысында.
Әкімнің айтуынша, өңірдегі кадрдың дені жергілікті.
— Мысалы, орынбасарым, аппарат басшысы қызметін Жетісу облысында бастаған, кейін мансаптары өсіп Астанаға, Алматыға жұмысқа кеткен, бірақ оларды кері шақырып алдым. Тіпті, менен басқа Алматы облысында туған азаматтар жоқ. Барлығы Жетісу облысында туып өскен азаматтар. Аудан әкімдерінің бәрі жергілікті кадрлар. Сондықтан, командалық деген өткен заманның елесі, оны ұмыту керек. Мен ондайға ешқашан бармаймын, — дейді ол.
Айта кетейік, Жетісу облысында 2,6 трлн теңгеге 189 инвестициялық жоба қолға алынды.
Фото: Sputnik
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
