Ресей президенті Петербург халықаралық экономикалық форумының пленарлық отырысында Украина президентінің өзіне жолдаған ашық хатына қатысты пікір білдірді, деп хабарлайды Malim.kz.
Оның айтуынша, ол Владимир Зеленскиймен кездесудің мәнін көрмейді және мәселені жария түрде талқылау «дұрыс емес» деп санайды.
«Мен кездесудің мәнін көріп тұрған жоқпын. Мұның мәні тек Украина тарапы үшін ғана бар – біздің қарулы күштердің шабуылын тоқтату. Бізге алты айға немесе үш айға емес, ұзақ мерзімді тарихи перспективаға арналған келісімдер қажет», – деді Владимир Путин.
Кремль басшысы сондай-ақ ресейлік кәсіпкерлердің бірі (Путиннің айтуынша, оның бұрыннан танысы) 21 мамыр күні Киевте Зеленскиймен кездескенін мәлімдеді.
«Ол қайтып келді. Мен онымен кездестім. Барлық артық әңгімеден бөлек, ең бастысы – Зеленский кездесу өткізуді сұрады», – деді Путин.
Сонымен қатар Ресей президенті диалогтан ешқашан бас тартпағанын, алайда «бос сөзбен уақыт өткізгісі келмейтінін» айтты.
