Қазақстанда әлеуметтік желі арқылы қаралым жинау үшін адамдарды қорлау, мазақ ету, сондай-ақ қоғамдық орындарда әдепсіз әрі қауіпті әрекеттерге баруға қатысты жауапкершілік шаралары күшейтілмек, деп хабарлайды Malim.kz.
Президент әкімшілігі басшысының бірінші орынбасары Ерлан Карин жаңа қоғамдық этика қалыптастыруда құқықтық тетіктердің маңызы зор екенін айтты.
Оның мәліметінше, ІІМ хайп қуып, шектен шығатын әлеуметтік желі қолданушылары мен қауіпті пранк ұйымдастырушыларын жауапкершілікке тартып, мұндай фактілер туралы қоғамға ашық ақпарат беріп келеді.
Соңғы уақытта тоғыз тиктокердің ұсталғаны бұл бағыттағы бақылаудың күшейгенін көрсетеді.
Негізгі мақсат – әлеуметтік желідегі танымалдық заң талаптары мен қоғамдық әдеп нормаларынан жоғары тұрмайтынын көрсету.
