«Бұрмалаудың қажеті жоқ». Дариға Бадықова өзін сынағандарға жауап берді
Дариға Бадықова фильм көрерменнің көңілінен шыққанын да қоса кетті.
Отандық танымал актриса әрі кинопродюсер Дариға Бадықова өзге фильмге барғандар туралы айтқан сөздері үшін сынға қалды. Енді өнер иесі өзін сөгіп жатқандарға жауап берді, деп хабарлайды Malim.kz.
Дариға Бадықова бұл туралы Instagram-дағы парақшасында жазды.
Ұялмай басымды тік көтеріп айта аламын! Хейтерлерді де қуантып қою керек. Өсек айтып, жерден алып, жерге салудың жүгі ауыр. Бәріне ұнауым шарт емес. Бірақ қалың көрерменге рахмет айтамын. «Таптым-ау сені» ұнап жатыр шынымен! Осы жолы бөлім керемет шықты, шүкір! Одан кейін балалар мультфильмге бармасын деген жоқпын. Жалпы, әңгіме өрбіген кезде Голливуд жайында айттым! Өзіміздің киноны Голливудпен салыстыру әбестік емес! Сондай ойда жеткізілді. Бұрмалаудың қажеті жоқ, - деп жазды актриса.
Ол өзінің намысшыл екенін де қоса кетті.
Кейбір кісілер сияқты өз елімнің киносына бармаңдар деген жоқпын. Мен «есігіңнің алдындағы ит жаман десе намыстанатын қаным қызу адаммын. Хейтерлерге тілерім - өмірлері тыныш, жақындары аман болсын. Жеті ұрпағына жететін жақсылық жасасын, - деп жазды ол.
Фото: instagram.com/dariga_badykova
Байланысты жаналықтар
MalimBlocks
