«Біреудің маңдай терін құнсыздандырмайықшы». Дариға Бадықова үндеу жасады

Қазақстандық танымал актриса әрі кинопродюсер Дариға Бадықова желіде оқырмандарына үндеу жасады, деп хабарлайды Malim.kz.

Өнер иесі «Таптым-ау сені 2» фильмі 1 миллиард теңге табыс тапқанын хабарлап, көрерменге алғыс айтты.

Өнер иесі Instagram-дағы парақшасында көпшілік өзінің еңбегін бағалағанын айтып, біреудің маңдай терін жоққа шығармауға шақырды.   

1 млрд құтты болсын! Хайп десеңіз де, хейт десеңіз де қалыспайық деп шырылдаған шыбын жаным-ай! Құдай миллиард нәсіп етті, шүкір! Ниетім Аллаға аян. «Таптым-ау сені-2» жарыққа шыққаннан бастап «Күшті кино, көріңіздерші» деп жария салғаным бекер емес. Бұл туындыда жарғақ құлағымыз жастыққа тимей еткен еңбегіміз, махаббатымыз, сарп еткен уақытымыз бар. Көрген көзден әдемі жылы пікірлер ақтарылып жатыр. Расында ой салар тұсы көп, диалогтар әлсіз емес. Бір-бірімізге жанашыр, дос болайық, балақтан тартпайық, біреудің маңдай терін құнсыздандырмайықшы. Қазақ қашан да өзін өнерімен, спортпен дәлелдеп келеді. Шын өнерлі ұрпақ болайық, - деп жазды Бадықова.

Фото: instagram.com/dariga_badykova