Қазақстандық танымал әнші, І дәрежелі «Барыс» орденінің иесі Нұрлан Өнербаевтың ағасы бақилыққа аттанды, деп хабарлайды Malim.kz.
Бұл туралы өнер иесінің өзі әлеуметтік желідегі парақшасында мәлімдеді.
Асқар тауым әкем өмірден қайтқаннан кейінгі биігім, арқа сүйер тірегім, ақылшым-ағам Әлжан мезгілсіз о дүниесіне аттанып кетті. Сенер емеспін. Бұл қалай болғаны? Дүние, жалған екеніңді пендеңе тағы бір дәлелдедің-ау, деп жазды ол.
Өнербаевтар отбасына әншінің сахнадағы әріптестері де көңіл айтып жатыр.
«Ағатай, қайғыңызға ортақпыз. Алла тағала фирдаус жаннатты нәсіп етсін. Бекем болыңыз», «Қазаның арты қайырлы болсын. Өнербаевтар әулетіне қайғырып, көңіл айтамыз. Иманы жолдас болсын», «Аға иманы саламат болсын! Бауыры бүтін кім бар дейсіз? Бір кем дүние! Менің де ағам бақилық болды. Өкініш пен сағыныш қана. Бекем болыңыз!», «Алла панасына алсын, жаны жәннатта болсын!» деп жазды олар.
Байланысты жаналықтар
MalimBlocks
