Сәлем салу ешқандай қиындық тудырмайды – Дана Есеева

Кәсіпкер, блогер Дана Есеева енесімен бірге Ләйлә Сұлтанқызына сұхбат беріп, сәлем салуға қатысты өзекті сауалға жауап берді, деп хабарлайды Malim.kz.

Блогер отбасылық салт-дәстүрдің қаншалықты маңызды екенін атап өтті.

"Қонақ келген сайын сәлем салып жүресің. Келін болғалы неше жыл өтті, әлі күнге дейін орамал тағасың ба?" дегендер көп болды. Мен одан проблема көріп тұрған жоқпын. Ол - проблема емес. Айына бір-екі рет келетін қонақтар үшін орамал тағып, келін көйлегіңді киіп, сәлем салудың еш қиындығы жоқ қой. Батасын аласың қайта. Менің ойымша, салт-дәстүрлер отбасының бір жалғасы сияқты. Енді оны бұзып тастасаң, ол отбасының бір береке-бірлігі кететін секілді көрінеді. Басында-ақ маған орамал тағу керек деген кезде, проблема көрген жоқпын. Мен керісінше, шашым аппақ болғаннан кейін орамалды тастамай тақтым. Орамалдың ішіне тығып тастайтынмын, көрінбейтіндей. Екі аптаның ішінде палау жасауды үйрендім, – дейді ол.

Фото: видеодан кадр