Шетелдік қыздың қолын сүйген Сәкен Майғазиев сынға қалды
Өнер иесінің оқырманының пікірі қақ жарылған.
Танымал отандық әнші Сәкен Майғазиев әлеуметтік желіде тараған видеода шетелдік бойжеткенмен дуэт жариялап, көпшіліктің сынына ұшырады, деп хабарлайды Malim.kz.
Видео дайындық кезінде түсірілген. Бірақ өнер иесінің оқырманына оның сахнада тұрып әзірбайжандық Лаелия Хикайе (Laelia Hekaye) есімді әншінің қолын сүйгені ұнамаған.
«Қолынан сүйгені несі? Қызғанып қалдық қой, аға», «Қолынан сүйгеніңіз дұрыс болмады, Сәкен аға», «Бөтен қыздың қолынан сүйгені несі», «Сәкен құрдас, неге сүйдің қолын? Бұл өте ерсі қылық, қазақта әйелдің қолын сүю деген жоқ», «Сәкен аға, дым жарасып тұрған жоқ, қыздың сөзі мүлдем түсініксіз», «Жеңгеміз қызғанбай ма екен?» - деп жазды.
Мұның ешқандай да ерсі қылық еместігін айтып, әншіні қорғап жатқандар да бар.
«Шетелдік әріптестерде солай қолын сүю зор құрмет болып саналады, өлеңін қазақ тілінде айтқаны үшін ризашылық білдірді», «Өнерді жан-жүрегімен сүйетін әнші үшін қолды сүйгеннің не әбестігі бар?! Дауысы керемет екен», - деп жазған олар.
Фото: instagram.com/saken_maigaziyev
