Қазақстандық актер, режиссер Алмат Сақатов «PodcastTIME!» жобасына берген «Орда» тобындағы жігіттердің басын қалай қосқанын айтып берді, деп хабарлайды Malim.kz.
«Орда» деген топ бар ғой. Ерболат, Есболат, Жанболаттарды мен Астанаға барғанда бірінші рет көрдім. Ал Дастан мен Рүстемді «Бауыржан шоуға» мен алып келгемін. Олардың билеп жүргенін көрдім. Олар «Гүлдер» ансамблі сияқты жай биші болған. Бірде бесеуі шүйіркелесіп жатты, сырттарынан қарап отырдым да «мына үшеуін неге алып алмаймын, екеуі өлең айтады. Ана үшеуіне фонограмма бар. Ән айта алмайтын мен, Әбунасырдың әндері хит болып» жатыр деп үш жігітті екеуіне қосып алдым. Аяғында осы топтың стилін берген Ерболат. Ерболат олардың биі мен киімін көрсетті. Осылайша, олар әнші болып шыға келді. Қазір топтың өмір сүргеніне 20 жылдың ар жақ-бер жағы болды. Ал кезінде олар Қазақстанның балаларына жаңа стиль әкелген еді, деп еске алды Сақатов.
Фото: «PodcastTIME!»
