Төреғали Төреәлі «ТТТ» атауының қайдан пайда болғанын түсіндірді

Қазақстандық танымал әнші Төреғали Төреәлі көптен бері Instagram желісінде көрінбей кеткен. Өнер иесі сол олқылықтың орнын толтырып,  өзі жайлы қызықты мағлұмат айтты, деп хабарлайды Malim.kz.

Төреғали «ТТТ» лақапты қайдан шыққанын түсіндірді. Ол бұл әріптің туған жерінің атауына қатысы жоқ екенін алға тартты. Бірақ оның мағынасын Қызылордадағы концертінде егде жастағы кісі дәл тапқан көрінеді. 

«ТТТ» - сөзіндегі «ТТ» - Төреғали Төреәліұлы деген екі сөздің бас әрпі екенін көпшілік білсе де, үшінші Т-ның шешімін біле бермейді. Дегенмен ел ішінде әркім өзінше расшифровка жасап жүр. Біреулер туған жері Төретам деген сөздің бас әрпі десе, біреулер туған әйелі – Толқынның бас әрпі депті. Руым да Әлімнің ішіндегі Татыраны ғой. Қызылорда қаласында өткен концерттерімнің бірінде, залдан бір қария шығып батасын беріп болып, «Саған, бір сұрағым бар еді. ТТТ дегендегі үшінші Т «Татыран» деген сөз деп естіп едім. Сол рас па?» деді. Мен «Жоқ, ата, үшінші «Т» Татыран деген өтірік. Бірінші «Т» – Татыран» дедім. Атам жүзі жадырап, бір қуанып қалды. Шамасы, аталасым болса керек. Жүзге бөлінгенім емес, «жеті атасын білмеген жетесіз» дейді ғой. Негізі, ешкімге айтпап едім, атам қайдан естіді екен. Шынымен, үшінші «Т» – Айдарбектің 4 баласының бірі Татыран атамның есімінің бас әрпі болатын, - деп жазды ол.

Фото: instagram.com/toregalitoreali