"Тұрмысқа таяқ жеу үшін шыққан жоқпын": Өзінен 6 жас үлкен әйелге үйленген әнші ажырасып кетті

Өзінен 6 жас кіші жас әнші Ринат Шамшыраққа тұрмысқа шыққан кәсіби визажист Аружан Төре ажырасуына не себеп болғанын айтып берді, деп хабарлайды Malim.kz.

Аружан Төре TikTok парақшасындағы жазбасында Ринатпен қарым-қатынастарының бұзылғанын айтты. 

"Ақыры ажырасу туралы басталыпты. Осы уақытқа дейін кім не десе де үндемей шыдап келдім. Мен жылап, депрессияда отыратын адамдардың қатарында емеспін. Бірден осындай шешімге келген жоқпын. Ұзақ ойландым. Енді бұрынғыдай жасырып қалатын нәрселерді жасырып, жақсы көрсетуге тырыспаймын. Оның отбасында бір адамға не істесем де жақпадым. Екі жастың ортасына ешкім басын сұқпау керек. Мен жалғыз емеспін. Өсіп келе жатқан ұлым үшін өмір сүремін", - деп жазды Аружан Төре. 

Сондай-ақ ол ұрыс-керіспен өмір сүруден шаршағанын және ажырасуға қол көтерудің себеп болғанын жеткізді.

"Тұрмысқа таяқ жеу үшін шыққан жоқпын. Біздің ажырасуымыздың себебі - осы. Әрбір әйел бақытты болуға лайықты. Менің жүрегім тыныштықты қалайды. Күнде қырғынмен өмір сүргім келмейді. Осыған дейінгінің бәрі өтті, бітті. Қосылмаймыз, қосылмаймын да! Маған енді ұят емес!", - деп жазды ол.