Бүркіт лақап атымен танымал қазақстандық әнші Айбек Жансейітов анасының алаяқтарға алданып қалғанын жазды, деп хабарлайды Malim.kz.
Аңқау болмаңыздар! Айтайын дегенім, жақында анамның телефонына бір қыз хабарласты. Біз анамның жанында отыр едік. Бір кезде ол сәлемдесіп, «сақтандыру компаниясынан хабарласып тұрмын» деді. Мен кім екенін түсіндім. Анамның телефонын алып, мен сөйлесейін дегенде, ол қыз тұтқаны қоя салды. Біз олардың алаяқ екенін қанша рет түсіндіріп айттық. Осылай хабарласып, өтірік витаминдерді «қымбат дәрі» деп сенгіш зейнеткерлерге сатады. Ұятсыздар! Қаншама мыңдаған ақшаға алданып жүрген қария бар! Алдап жүргендерге айтарым көп. Әркім өз тағдырының қожайыны, деп жазды әнші.
Айта кетейік, бұған дейін Бүркіт 88 жасқа толған әкесінің туған күнін қалай атап өткенін көрсеткен.
Фото:instagram.com/berkut_aibekjan
