Астанадағы үшінші жылу электр орталығы қашан іске қосылады?
Биыл 3 млн шаршы метр тұрғын үй қолданысқа беріледі
Жоспар бойынша елордадағы үшінші жылу электр орталығы 2023-2024 жылғы жылыту маусымына дейін дайын болады. Сонымен қатар, биыл 2 газ-жылу станциясы қосылады. Бұл туралы қала әкімі Жеңіс Қасымбек Atameken business арнасының «Exclusive» бағдарламасына берген сұхбатында айтты.
«Астана қаласы бойынша биыл 3 млн шаршы метр тұрғын үй қолданысқа беріледі. Ол қосымша жылуды талап етеді. Бұл мәселе бойынша ауқымды жұмыстар басталып кеткен. Биыл 2 газ-жылу станциясы іске қосылады. Ол екі станция 600 геккалорий жылу береді. Осы жұмыстарды тамыз айында бітіреміз деп жоспарлап отырмыз.
Сондай-ақ, Астанада 3-жылу электр станциясы салынады. Оның бірінші кезеңі биыл бітеді. 5 қазандық биыл қосымша 440 геккалорий жылу береді. Ол алдымыздағы 3-4 жылда қаланы жылумен қамтуға жеткілікті».
Айта кетейік, үшінші жылу орталығы былтыр іске қосылуы керек еді. Энергетика министрлігі мұны пандемия және Ресей мен Украина шекарасындағы жағдайға байланысты жабдықтардың қымбаттап кетуімен түсіндірген.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
