«Ауылдық денсаулық сақтауды жаңғырту» жобасы облыстарда жүзеге асуда
![](/images/article-img/1600/19841-1691561603-m.jpeg)
Мемлекет басшысы Қасым-Жомарт Тоқаевтың Жолдауда айтылған тапсырмаларын орындау аясында бірқатар ілкімді жұмыс жалғасын табуда. Жақында Солтүстік Қазақстан аймағында «Ауылдық денсаулық сақтауды жаңғырту» жобасы жүзеге аса бастады. Ұлттық жоба бойынша 2 жылда елді мекендерді, оның ішінде тым шалғайда жатқан ауылдар медициналық жабдықтармен қамтылмақ. Сонымен қатар, аудандық ауруханаларды көпбейінді медициналық мекемелердің қатарына қосады және ауылдарға жасалатын медициналық жәрдемнің өзге де бағыттарын дамытады. Алдағы екі жыл ішінде 655 медициналық объектінің құрылысын жүргізу жоспарланған.
Қазіргі кезде 99 медициналық нысанның монтаж-құрылыс жұмыстарын жүргізуге қомақты қаржы бөлінді.Солтүстік қазақстан облысында ұлттық жобаға сай 7 МСАК нысаны бойынша құрылыс жұмыстары көзделіп отыр.
Осыған орай өңірде 7 медицина объектісінде құрылыс-монтаждау жұмыстары бастау алды. Олардың қатарында Привольное ауылдарындағы фельдшерлік-акушерлік пункттер, Жамбыл ауданының Кладбинка ауылындағы медициналық пункт, Ғабит Мүсірепов атындағы Тахтаброд және Қызылжар ауданының Прибрежное және Якорь елді мекендеріндегі, Мағжан Жұмабаев ауданының Возвышенка және Қарақоға атты ауылдарының дәрігерлік амбулаториялары бар. Аталмыш жоба Қызылорда облысында да іске асырылуда. «Ауылдық денсаулық сақтауды жаңғырту» жобасы елді мекендерде медициналық жәрдем мен инфрақұрылым сапасын көтеруге бағытталған.
Биыл ұлттық жобаны жүзеге асыру бойынша жалпы республика көлемінде 99 медициналық нысан құрылысына ақша бөлінді. Қазір облыста құрылыс жұмыстары қарқын алды. 15 МСАК нысаны бой көтермек. Мәселен, жуық арада Қармақшы, Қазалы, Сырдария, Жаңақорған аудандарындағы бірнеше ауылда дәрігерлік амбулаториялар мен медпункттер ел игілігіне берілмек.
Байланысты жаналықтар
MalimBlocks
![](/images/article-img/600/23673-1722415723.jpg)