Бозашы мұнайшылары талап етіп жатыр (видео)

«Buzachi Operating Ltd» компаниясының жұмысшылары еңбекақыларын көтеруді талап етті деп хабарлайды Malim.kz тілшісі.

  • 15.10.2021

Маңғыстау облысындағы мұнай-газ кешенінде еңбек ететін жұмысшылар әр жерде өз наразылықтарын жиі білдіріп жүр. Осыдан екі күн бұрын ғана Жаңаөзенде «КЕЗБИ» ЖШС жұмысшылары әріптестеріне алаңдаушылық білдіріп, жұмысты тоқтатса, бүгін  «Buzachi Operating Ltd» компаниясының жұмысшылары еңбекақыларын көтеруді талап етті деп хабарлайды Malim.kz тілшісі.

 

Талап қойып, үндеу жолдағандар мұнай бағасының көтерілуін айтып, айлық еңбекақы көлемін өсіруін сұрап отыр.  Мемлекет басшысына үндеу жолдаған жұмысшылардың талабына қатысты «Buzachi Operating Ltd» компаниясының басшылығы жазбаша ғана пікір білдірді. 

«11 қазан күні компанияның бас директоры атына кәсіподақ төрағасы атынан жұмыскерлердің жалақыларын көтеру туралы жазбаша талабы қосылған хат түсті. 

Кеше компания кәсіподағының төрағасының атына қазан айының 18-де келіссөздер процесін бастау және қол жеткізген уағдаластықтарды қолданыстағы ұжымдық келісімшарттың мерзімі 2021 жылдың 31 желтоқсанында өтуіне байланысты жаңа ұжымдық келісімшартта бекіту туралы ұсынысымен жауап хат жіберілді.  

«Buzachi Operating Ltd» барлық жұмыскерлерінің жалақысы жыл сайын Ұлттық Банкімен белгіленген инфляцияның ресми мөлшерлемесіне сәйкес индекстеленетін атап өту қажет.

Сонымен қатар, 2020 жылғы 1 қаңтар айынан бастап индекстеу шарттарынан басқа, кәсіподақпен жасасқан келісімге сәйкес компанияның барлық жұмыскерлерінің жалақысы елеулі түрде көбейтілді.

Былтыр мамыр мен желтоқсан айлары аралығында мұнай бағасының күрт төмендеуіне байланысты өндірістік сыйлықақы 50 пайызға төмендетілді. 2020 жылғы желтоқсан айынан бастап осы уақытқа дейін сыйлықақы 100%  мөлшерде төленіп келеді.

«Buzachi Operating Ltd» компаниясының филиалы толық мөлшерде ұжымдық келісімшартпен белгіленген міндеттемелерін орындап келеді және Қазақстан Республикасының еңбек заңнамасын қатаң сақтайды»,- деп жазылған компания таратқан ақпаратта.

Қазіргі үндеу жолдағандар жұмыс орындарында өз міндеттерін атқарып жатыр. Құрылымдық бөлімдердің басшылары жұмыскерлер арасында жұмыс берушінің кәсіподақпен келіссөздер процесін бастауға ұсынысы туралы түсіндіру жұмыстарын өткізіп жатқанға ұқсайды. Өндірістік жұмыс қалыпты жағдайда жалғасып, Солтүстік Бозашы кен орнында ереуіл, басқа да наразылық акциялары байқалмаған.

Енді жұмысшылардың үндеуіне қатысты биліктің қандай нұсқау беретіні әзірге белгісіз. «Еңбекақыны көтеру талабы өзгеріссіз қалған жағдайда не істейсіздер?» дегенді сұрамақ болып компанияның бірқатар жұмысшыларына телефон соққан едік. Алайда, олар «бар ойымызды бейнеүндеуде айттық» деп пікір білдіруден бас тартты.

Қыркүйек айының соңында Маңғыстау облысына арнайы сапармен барған

президент Қасым-Жомарт Тоқаев осы өңірде еңбек дауы өршіп тұрғанын, елдегі еңбек дауының 80 пайызы осы аймақтан екенін мәлімдеген еді. «Елімізде еңбек дауларының 80 пайызы Маңғыстау облысында болады. Жыл басынан бері өңірде осындай 150 дау туындады. Оның 130-дан астамы мұнай-газ секторында. 8 ірі кәсіпорын дағдарыс алдында тұр. Қазір жұмыс азайып жатыр. Соның салдарынан 1,5 мың адам жұмыссыз қалуы мүмкін. Бұлардың барлығы мұнай саласында қызмет көрсететін компанияларда істейді. Біз былтыр бірдей қызмет атқаратын жұмысшыларға төленетін жалақы да бірдей болуын заң жүзінде міндеттедік. Оларға өндірісте және тұрмыста тең жағдай жасалуын талап еттік. Әкімдік құзырлы органмен бірлесіп, еңбек заңнамасының сақталуына қатаң бақылау жасауы керек» деген. Сондай-ақ президент «...Кейбір жеке компания басшылары жұмысшыларын ереуілге әдейі итермелейді. Бұл компаниялардың тізімі менде бар. Мақсаты халықты қалқан етіп, мемлекеттен ақша алу. Біз мұны білеміз. Олар бөлінген қаржыны жұмысшыларға бермей, өз қалтасына басады. Мұндай қитұрқы әрекеттің жолын кесу керек. Осындай компанияларға аудиторлық және тағы басқа тексеріс жүргізу керек. Жұртты арандатып, мемлекетке қоқан-лоқы көрсетуге болмайды. Бәрі заң аясында жасалуға тиіс» деп те айтқан.

Ал осы айдың басында президенттің тапсырмасымен үкімет Маңғыстау облысын дамытудың кешенді жоспарын мақұлап,  2025 жылға дейін 2,1 трлн теңге бағыттауды жоспарлаған болатын.

Әліби Ерқосай, Ақтау қаласы.

Байланысты жаналықтар

Үш баланы өлтіру. Полицейлер бірін бірі терістеп жатыр.

04.05.2023

«Жауабыңыз қабылданбайды» – Әбдіғалиұлының сөзі Смайыловқа ұнамай қалды

17.01.2023

Садақашыл қоғам мен уәдешіл үкіметтің бір жылы

28.12.2022

Орыс газы қазақ пен өзбек газына қосылғысы келеді

29.11.2022

Тоқаевтың ұлықталуы. Назарбаевты көрсетпеу

26.11.2022

Президент барлық мемлекеттің территориялық тұтастығын қолдайды

11.11.2022
MalimBlocks
Үш баланы өлтіру. Полицейлер бірін бірі терістеп жатыр.

«Сириядағы соғысқа қатыспаған». Бір жарым ай бұрын Ақтауда ажырасқан әйелінде кеткен үш баласын қастандықпен өлтірген әкенің діни жат ағымның жетегінде кеткені туралы ел арасында түрлі әңгіме айтылған еді

«Жауабыңыз қабылданбайды» – Әбдіғалиұлының сөзі Смайыловқа ұнамай қалды

Бюджеттен ақшаның кешігіп түсу себебін отырыста баяндама жасаған Қуантыровтан да бір сұрай салуы керек пе еді...

Садақашыл қоғам мен уәдешіл үкіметтің бір жылы

Неге бұлай болды, неге адамдар өзіне қол жұмсайды, неге наразылыққа шыға береді, неге зейнет жасын төмендетуді сұрайды, неге жәрдемақыны көтеруді талап етеді деген зерттеулер жүргізілмейтін, тек әр оқиғаның салдарымен ғана күресетін және шамасы келгенше жылы жауып тастауға тырысатын мемлекетте тағы бір жылды өткіздік...

Орыс газы қазақ пен өзбек газына қосылғысы келеді

«Қазақстан президенті Қасым-Жомарт Тоқаев Ресей президенті Владимир Путиннің ұсынысын қолдап, үш жақты газ одағын құруды қолдады».

Тоқаевтың ұлықталуы. Назарбаевты көрсетпеу

Бүгін Астанада Қасым-Жомарт Тоқаевтың Қазақстан президенті қызметіне ресми кірісу рәсімі мен ұлықтауы шарасы өтті. Бұл Қасым-Жомарт Тоқаевтың президент ретінде екінші мәрте ұлықталуы.

Президент барлық мемлекеттің территориялық тұтастығын қолдайды

Баспасөз хатшысы түсініктеме берді