Кәсіби мамандарды бағалау қоғамды алға жетелейді 

Шаруасын шалқытқан, қуат-күшін мемлекеттің дамуына жұмсаған еңбек адамдары алғашқы лекте тұруға тиіс

Malim Админ

  • 19.05.2023

Елімізде еңбек адамдарына, маңдай терін төгіп, Отанның гүлденуіне мол үлес қосқан азаматтарға жіті назар аударылады. Мемлекет басшысы Қасым-Жомарт Тоқаев та жетістік атаулының ұшар басында іскерлік қабілет пен ақадал еңбек жататынын үнемі айтып келеді.  Сондықтан да шаруасын шалқытқан, қуат-күшін мемлекеттің дамуына жұмсаған еңбек адамдары алғашқы лекте тұруға тиіс. Өз кәсібінің жілігін шағып, майын ішкен шеберлерді, ерінбей-талмай еңбек еткен мамандарды ынталандыру ісі кейінгі уақытта қарқынды қолға алынды. Біз әдетте  ел абыройын асқақтатқан спорт майталмандары, әскери шенділер, депутаттар мен министрлер сияқты жоғары лауазымды тұлғалардың мәртебе төрінен жиі табылатынын көретінбіз. Кейінгі уақытта президент пәрменімен қарапайым еңбек адамдарына айрықша көңіл бөлінді. Шалғайда жүрсе де олардың сіңірген еңбегі, атқарған нәтижелі  жұмыстары лайықты бағалана бастады. Мәселен, биыл бауырлас ел Түркияда апатты жағдай орын алғаны белгілі. Зілзала кезінде біздің құтқарушыларымыз бірден сақадай сай аттанып, қолдан келген көмегін аяған жоқ. 7 адамды үйіндіден аман алып шығып, жоғалғандарын тапты.  Қазақстандық 41 қайсар, батыр  азамат сын сағатта  ерен ерліктің үлгісін көрсетті.  Қызметтік борышын барынша адал атқарып, Түркия мен Сириядағы төтенше жағдайдың алдын алуда жанқиярлық танытқан кәнігі мамандарды мемлекет басшысы Қасым-Жомарт Тоқаев мемлекеттік наградалармен марапаттап, ерекше құрмет білдіргені белгілі.  Құтқарушылар «Құрмет»,    II дәрежелі «Айбын»  ордендерімен, «Ерлігі үшін», «Жауынгерлік ерлігі үшін», «Ерен еңбегі үшін» медальдарымен,  Қазақстан Республикасының Құрмет грамотасына ие болды.  Олардың қатарында Айдын Қарақоржынұлы, Руслан Сойко, Ерік Берікұлы, Берікболсын Хабиболла сынды өз ісінің үздіктері бар.    Құтқарушы болу – өте жауапты  әрі аса қауіпті жұмыстардың бірі. Әсіресе табиғи апат болған жерлерге барып үйінді астынан адамдарды құрқару тіптен қиын. Тағы бір айта кетерлігі, Түркияға әлемнің біраз елінен құтқарушылар барды. Солардың ішінде біздің қазақстандықтар ең соңғы болып шықты. Бұл да еліміздің мықты мамандарының бай тәжірибесін, табындылық сынды асыл қасиетін көрсетеді.   Апат, қауіпті оқиға айтып келметіні мәлім. Қай кезде залалын тигізерін ешкім де білмейді. Сондай уақыттарда біздің озат мамандар алдыңғы шептен көрініп жүр. Айталық, биылғы жылы Шымкент шаһарындағы қару-жарақ дүкеніне қарақшылық шабуыл ұйымдастырылды. Сонымен қатар, Жамбыл облысына қарасты Жаңатас қаласында қолына суық қару алған қылмыскерлер айласын асырмаққа бекінген-ді.  Қауіпті кезеңде полиция қызметкерлері Арман Әріпжанов пен  Бекен Қонысов өмірлерін бәйгеге тігіп, күдіктілердің жолын кесті, қиындықты болдырмады.  Оларды да Президент Қасым-Жомарт Кемелұлы  II дәрежелі «Айбын»  орденімен марапаттап, ерлігін жоғары бағалағаны есімізде.  Мемлекет басшысы соынмен бірге мерекелік күндерді атап өтуге айрықша ден қойды. Биыл айтулы күндер санатына тағы екі мейрам енгізілді. 5-ші қазан – мұғалімдер күні, ал 6-шы қазан қорғаныс өнеркәсібі қызметкерлері күні болып белгіленіп отыр. Бұл да өз кәсібін бойтұмарындай қадірлеп, қоғамға пайдамды тигіземін деген әрбір кәсіби мамандарға жасалған зор қолдау деп түсінуіміз қажет. Себебі, еңбектің қазанында қайнаған ел азаматтары қандай құрмет, марапатқа болсын шын лайықты. Ал құрмет дер кезінде көрсетілгені жөн.     

Байланысты жаналықтар

Қайрат Сатыбалдыұлы мемлекетке тағы 50 млрд теңге қайтарады

11.04.2024

Алматыда 1997 жылы заңсыз сатылған ҚазҰПУ ғимаратының бір бөлігі мемлекетке қайтарылды

09.04.2024

Ақмола облысында жерді шетелдіктерге жалға бергендер анықталды

29.03.2024

Әлия Назарбаеваның зауыттарының «тағдыры» жақында шешіледі

28.03.2024

Тұңғыш рет ғалым әйелдерге арналған марапат тағайындалды

07.03.2024

Жалпыұлттық деңгейде бірігу – мемлекет тұғырын нықтайды 

25.08.2022
MalimBlocks
Қайрат Сатыбалдыұлы мемлекетке тағы 50 млрд теңге қайтарады

Ол өз кінәсін толық мойындап, қылмыстық жолмен алынған мүлікті ашуға ықпал еткен.

Алматыда 1997 жылы заңсыз сатылған ҚазҰПУ ғимаратының бір бөлігі мемлекетке қайтарылды

Университет ғимараты республикалық маңызы бар тарихи және мәдениет ескерткіштеріне жатады.

Ақмола облысында жерді шетелдіктерге жалға бергендер анықталды

Сандықтау ауданының прокуратурасы жергілікті атқарушы органдардың қызметінде жер заңнамасының сақталуының заңдылығына талдау жүргізді, деп хабарлайды Malim.kz.

Әлия Назарбаеваның зауыттарының «тағдыры» жақында шешіледі

Экология және табиғи ресурстар министрі Ерлан Нысанбаевтың айтуынша, қазіргі уақытта зауыттар мемлекеттік мүлік комитеті құзырында, деп хабарлайды Malim.kz.

Тұңғыш рет ғалым әйелдерге арналған марапат тағайындалды

Жалпыұлттық деңгейде бірігу – мемлекет тұғырын нықтайды 

Ортақ диалогты арқау етуге тиіс