Кәсіпкерлер Тоқаевқа дағдарыстан шығар жолды көрсетті

Malim Админ

  • 28.03.2020

Елдегі шағын және орта кәсіпкерлер президент Қасым-Жомарт Тоқаевтың атына хат жазып, қол жинап жатыр. Бұл хатта кәсіпкерлер теңге девальвациясы, коронавирус пен карантиннен шағын және орта бизнеске келетін залал үкімет болжағаннан әлдеқайда үлкен екенін түсіндіре келе, үкіметтің шағын және орта бизнесті қолдау үшін жасап жатқан шараларын тиімсіз деп бағалайды. Сондықтан орта және шағын бизнес өкілдері үкімет өздеріне қалай көмектесе алатынын тізіп, дағдарыстан шығаратын нақты шараларды ұсынады.

"Қазақстанда орта және шағын кәсіп саласында 1,3 миллион кәсіпорын бар, онда 3,5 миллион адам жұмыс істейді. 2019 жылы Қазақстанның ішкі жалпы өнімі 178,2 миллиард доллар болса, мұндағы шағын және орта кәсіптің үлесі – 29,4 пайыз, яғни 52  миллиард доллар.  Шағын және орта кәсіптің 2018 жылы ел қазына төлеген корпоративті табыс салығы 840 миллиард теңгеге жеткен.

Міне, сондықтан шағын және орта бизнестің құлдырауы, банкротқа ұшырауы  ел экономикасын күйретуі мүмкін. Шағын және орта бизнесті қолдау үшін түрлі шаралар қолға алынды, бірақ компания иелері мен басшылары ретінде бұл шаралар тиімсіз екенін түсінеміз. Өйткені ұлттық валютаның құнсыздануы, коронавирус және карантиннің енгізілуінен шағын және орта бизнеске келген залал шенеуніктер ойлағаннан әлдеқайда көп", - делінген кәсіпкерлердің хатында.

Кәсіпкерлердің айтуынша, бүкіл экономикалық тізбек үзілген. Шикізат бағасының өсуі, өндірістің қысқаруы, қызмет көрсету мен сауда саласындағы барлық сауда нысандарының жабылуы, жарнама нарығының құлдырауы, жаппай жұмыстан айырылу, сатып алу қабілетінің төмендеуі шағын және орта кәсіпті титықтатып кетті. Енді бұл дағдарыстан аман шығып, ақтан тік тұрып, бизнесті қайта қалпына келтіру үшін жылдар кетпек.

Шағын және орта бизнес өкілдері мемлекет экономиканы қолдау үшін 4,4 триллион теңге бөле алады деп есептейді.

Хатқа қол жинап жатқан кәсіпкерлер мемлекет орта және шағын бизнеске қалай көмектесе алатынын тізіп шыққан. Олардың ойынша, жұмыс берушілер бюджетке аударатын міндетті зейнетақы жарнасы, жеке табыс салығы мен әлеуметтік салықтан 6 айға босатылуы керек.

Бірақ жұмыс берушілер 3,5 пайыз көлеміндегі әлеуметтік аударым, 2 пайыздық міндетті әлеуметтік медициналық сақтандыру мен 1 пайыз көлеміндегі жарнаны төлей беруге тиіс.

Кәсіпкерлер үкіметтен 2020 жылдың 1 және 2-тоқсандары үшін қосымша құн салығын төлеуден толық босатып, 3 және 4-тоқсандары үшін қосымша құн салығы төлемін 6 %-ға төмендетуді сұраған. Ал жыл соңына дейін 2019 жылға корпоративті табыс салығын төлеу мерзімін ұзартып, осы жылғы корпоративті табыс салығы бойынша мөлшерлемені 10% - ға дейін төмендету қолға алынуы керек.
Кәсіпкерлер сондай-ақ жеңілдікпен несие беру және импортталатын өндіріс жабдықтары мен жиынтықтаушы құралдар импортына кедендік баж салығын толығымен алып тастауды сұрайды.
Үкіметен қолдау көрсетуді сұраған кәсіпкерлер хат соңында жеке тқлғаларға да көмектесуді сұрапты.

"Ипотекалық несие, автокредит, тұтынушылық және тауарлық несиелерге келсек, банктерге, ипотекалық және лизингтік компанияларға, шағын қаржы ұйымдарына олардың тарапынан негізгі борыш пен сыйақы бойынша міндетті 90 күн мерзімін кейінге қалдыру, кейіннен төлем кестесін осындай мерзімге ұзарту жолымен қайта құрылымдау үшін құрал ұсыну; адамдарға зейнетақы қорындағы ақша есебінен несиені мерзімінен бұрын толық немесе ішінара өтеуге мүмкіндік берілуі керек", - делінген хатта.

Кәсіпкерлер үндеуде нақты шаралар қолға алынса, бизнес аяғынан тік тұрып, жаппай жұмыстан босату тоқтайды дейді. Хатта 300 мың адамның жұмыстан босатылғаны айтылады.

Фото; EPA/UPG

Материалды көшіріп басуға болмайды!

Оқи отырыңыз: Бұл дүрбелеңнен шығуға 10 миллиард доллар кетеді

Байланысты жаналықтар

Ресейдегі теракт: Тоқаев Қауіпсіздік Кеңесінің мүшелерімен жиын өткізеді

23.03.2024

Тоқаев Елтаңбаны өзгертуді ұсынды

15.03.2024

Бас прокурор Тоқаевқа есеп берді

14.03.2024

Тоқаев «Самұрық-Қазына» төрағасын қабылдады

14.03.2024

Қасым-Жомарт Тоқаев Әзербайжан Президентінің «Загульба» резиденциясына келді

11.03.2024

Тоқаев Ішкі істер министрін қабылдады

06.03.2024
MalimBlocks
Ресейдегі теракт: Тоқаев Қауіпсіздік Кеңесінің мүшелерімен жиын өткізеді

Тоқаев Елтаңбаны өзгертуді ұсынды

Президент Елтаңбаға қатысты сыни пікір көп екенін айтты.

Бас прокурор Тоқаевқа есеп берді

Бірқатар резонанс тудырған қылмыстық іс бойынша күдіктілер ұсталып, Қазақстанға қайтарылған.

Тоқаев «Самұрық-Қазына» төрағасын қабылдады

Қордың былтыр атқарған жұмыстарының қорытындысы баяндалды.

Қасым-Жомарт Тоқаев Әзербайжан Президентінің «Загульба» резиденциясына келді

Тоқаев Ішкі істер министрін қабылдады

Ержан Сәденов кезектен тыс аттестаттациялауға дайындық барысы айтты.