Қазақстан Республикасының Мемлекеттік хатшысы Қырымбек КӨШЕРБАЕВ бастаған делегация Семей полигонының жабылу күніне орай Шығыс Қазақстан облысында болып, Семей қаласындағы ядролық сынақтың құрбандарына арналған Монументке гүл шоқтарын қойды.
Делегация құрамында Мәдениет және спорт министрі Ақтоты РАЙЫМҚҰЛОВА, Жазушылар одағының төрағасы Ұлықбек ЕСДӘУЛЕТ және басқа да азаматтар бар.
Ядролық сынақтың құрбандарына арналған Монументке гүл шоқтарын қою рәсімінде Мемлекеттік хатшы жарты ғасырдан астам уақыт өткізіліп келген ядролық жарылыстарды толыққанды тоқтатып, полигонды жабу бұрынғы Кеңестер одағы басшылығының қарсылығына қарамастан Қазақстан Республикасының Тұңғыш Президенті – Елбасы Нұрсұлтан Назарбаевтың патриоттық, ұлтжанды тарихи шешімі семейліктердің ғана емес, бүкіл қазақ халқының, қазақстандықтардың, дүниежүзіндегі прогрессивті адамзаттың қолдауына ие болғанын атап өтті.
Мемлекеттік хатшы Президент Қасым-Жомарт ТОҚАЕВТЫҢ Семей ядролық сынақ полигонының жабылуының атаулы күніне орай қазақстандықтарға арнаған Үндеуін оқып берді.
Одан әрі Мемлекеттік хатшы бастаған делегация және Абай ҚҰНАНБАЙҰЛЫНЫҢ 175 жылдығын дайындау және өткізу жөніндегі мемлекеттік комиссияның бір топ мүшелері Семей қаласындағы Абай ескерткішіне гүл шоқтарын қойып, «Қарағайлы» шағын ауданының, көпбейінді мәдени-спорттық кешенінің құрылыс барысымен, Абай атындағы алаңды, Абай атындағы театрды қайта қалыпына келтіру, Абай атындағы музейді қайта жаңғырту жұмыстарымен танысты. Бұдан кейін Абай ауданында болып, ел Президенті Қ.К.Тоқаевтың Абай Құнанбайұлының 175 жылдығына орай берген тапсырмасына сәйкес қалыпқа келтірілген Сырт-Қасқабұлақтағы, Жидебайдағы тарихи нысандарды аралап көрді.
Дереккөз: akorda.kz
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
