Қазақстан танымал мобильді қосымшалар мен сервистерді әзірлеушілерден мәзірге қазақ тілін қосуды талап етуі мүмкін. Әзірге бұл сұрақ талқыланып жатыр.
Бұл туралы Цифрлық даму министрі Бағдат Мусин Ақтөбе облысының тұрғындарымен кездесуінде айтты.
Мусин егер талап қанағаттандырылып, заңмен бекітілген жағдайда, қазақ тіліндегі нұсқасы жоқ әлеуметтік желілер жабылып қалуы мүмкін деп отыр.
“2GIS немесе Яндекс болсын, біз үшін жұмыс істейтін қызметтерге мемлекеттік тілге қатысты талап қою мәселесін қарастырамыз. Егер олар біздің нарықта жұмыс істегісі келсе, онда біз қазақ тілін енгізу туралы осындай ұсыныс жасаймыз, әзірге бұл талқыланып жатыр. Екінші жағынан, талаптар заңмен енгізілсе, мысалы, қазақ тіліндегі нұсқасы болмаған жағдайда Instagram немесе басқа әлеуметтік желі жабылады. Ал ертең тұрғындар тарапынан тағы сұрақ туындайды. “Біз оны неге жаптық?” деген сауал тууы мүмкін. Сондықтан бұл қиын мәселе, бірақ оны біртіндеп шешетін боламыз”, - деді Мусин.
Министр сондай-ақ Қазақстан өзі-ақ мұндай өнімдерді шығаруы үшін білікті IT-мамандар, тиісті экожүйе және жұмыс жағдайлары қажет екенін атай кетті.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
