Қазақстан әр балаға 20 теңгеден береді

Қарағандыда көпбалалы отбасы мемлекеттен атаулы әлеуметтік көмек ретінде 122 теңге көмек алған. Шатасып кетті деп қалмаңыз, соңында ешқанда «мың» деген сөз жоқ. Банк картасына 122 теңге келіп түскенде көпбалалы ана да 122 мың теңге деп ойлап қалғаны анық.

31 арнаның хабарлауынша, төрт баласы бар Дариға Қазанғапова жақында атаулы әлеуметтік көмек алуға өтініш беріпті. Бұрын алып жүрген екен, жазда «аулаларыңа картоп ектіңдер» деген жергілікті әкімдіктегілер жәрдемақы алатындар тізімінен сызып тастаған. Сөйтіп, картоптың арқасында 125 мың теңгесі 1000 есе азайып, есепшотына түсіпті. Мұндайда, әлбетте, банк қателесті ме, әкімдік дұрыс жібермеді ме деген күмән болатыны сөзсіз. Қалалық әлеуметтік қорғау бөлімі ешқандай техникалық қателіктің болмағанын айтқан.

Көпбалалы отбасы мұны мазақ ету деп есептейді.

"Одан да бермей-ақ қойғаны дұрыс еді. 122 теңгемен бізді мазақ қылғанша, сізге отказ келді деп айтса болатын еді. Енді мына 122 теңгеге бала-шағама не нан, не памперс әпере алмаймын. Үкіметтің нағыз мазағы ма, не енді бұл", - дейді Қазанғапова.

Әкімдіктегілер бұл отбасыға бар болғаны 122 теңге жетпей тұрғанын асқан шеберлікпен анықтап шығыпты. Ең алдымен күйеуінің «Еңбекпен қамту» бағдарламасы бойынша жұмысқа орналасқанын алға тартады. Одан кейін балаларға берілетін жөргекақы бар. Екі ересек те әлеуметтік (жеңілдігі бар) жолақы картасын қолданатынын есепке ала отырып, отбасының әр мүшесіне 20 теңгеден беруді жөн көріпті. Әбден цифрланып болған әлеуметтік көмектеуді есептеуші база автоматты түрде осындай шешім қабылдаған.

Президент бастап, үкімет пен министрліктің, әкімдіңтің, арнайы бөлімдердің есебінде жүретін сүйкімді цифрлар осындай 20 теңгелік көмектермен бірнеше есе үлкейтіліп көрсетілуі әбден мүмкін. Мәселен, биыл атаулы әлеуметтік көмек үшін бюджеттен 70 миллиард теңге бөлінген. Оның бәрі адамдарға теңдей етіп бөліп берілді деп ойласаңыз қателесесіз, осы ақшаны алуға тиіс 974 мың адамның қаншауына 20 теңгеден бұйырғаны белгісіз.

Байланысты жаналықтар

Қарағанды облысында бизнес үшін электр энергиясына тарифтер төмендетілді

21.05.2024

Көпбалалы отбасыларға берілетін жәрдемақы мөлшері белгілі болды

11.04.2024

Қарағанды облысында балаларын өлтірді деген күдікті әйел ұсталды

05.04.2024

Теміртауда атыс болды: зардап шеккендер бар

04.04.2024

Әр балаға жәрдемақы енгізілетіні туралы ақпарат – фейк

06.03.2024

12 бала уланып, бір бала қаза болды

01.08.2023
MalimBlocks
Қарағанды облысында бизнес үшін электр энергиясына тарифтер төмендетілді

Төмендетілген тарифтер 2024 жылғы 22 мамырдан бастап қолданысқа енгізіледі.

Көпбалалы отбасыларға берілетін жәрдемақы мөлшері белгілі болды

Осы жылға мемлекет көпбалалы отбасыларға мемлекеттік жәрдемақы төлеу үшін 478,8 миллиард теңге қарастырып отыр.

Қарағанды облысында балаларын өлтірді деген күдікті әйел ұсталды

Тергеу жүргізіліп жатыр.

Теміртауда атыс болды: зардап шеккендер бар

Қарағанды облысы Теміртау қаласында атыс болып, 27 жастағы жергілікті тұрғын оқ жарақатынан ауруханға түсті, деп хабарлайды Malim.kz.

Әр балаға жәрдемақы енгізілетіні туралы ақпарат – фейк

Еңбек және халықты әлеуметтік қорғау министрлігі ақпарат шындыққа жанаспайтынын айтты.

12 бала уланып, бір бала қаза болды

Қарағанды облысының балаларға арнаулы әлеуметтік қызмет көрсету орталығында 12 ұл бала уланып, бір бала қаза болды.