Денсаулық сақтау министрлігінің ресми өкілі Диас Ахметшәріп Қазақстанда тағы екі адам коронавирус жұқтырғанын айтты.
«Бірі – 1998 жылы туған қыз бала. Студент. Ыстанбұл-Алматы рейсімен 15 наурызда ұшып келген. Екіншісі – 1974 жылғы әйел адам. 10 наурыз күні Мәскеуден Алматыға ұшып келген. Екеуі де қазір стационарда», – деді Диас Ахметшәріп министрліктің ресми парақшасында.
Қазақстанда коронавируспен ауыратындар саны 35-ке жетті. 17 адам – Алматыда, 18 адам – астанада.
