Коронавирус жұқтырғандар арасында бір адам қайтыс болды. Бұл Қазақстандағы алғашқы жағдай. Бұл туралы Ақпарат және қоғамдық даму министрі Дәурен АБАЕВ мәлімдеді.
«Бүгін коронавирустан бір әйел адам – Қазақстан азаматы қайтыс болды. Бұл орны толмас өкініш, жақындары мен туыстарына көңіл айтамыз», - деді ол онлайн брифингте.
Абаев сондай-ақ бұл өлімнің нақты себебі туралы ертең денсаулық сақтау министрлігі нақты ақпарат беретінін жеткізді.
Бұдан сәл бұрынырақ елордадағы қоғамдық денсаулық сақтау басқармасы қалада тіркелген 61 адамның төртеуі ауыр жағдайда жатқанын хабарлаған.
«Бұл коронавирустың қауіпті екенін тағы бір көрсетіп отыр. Болып жатқан жағдайдың бәрі – бәріміз үшін сынақ», - деді Абаев.
Соңғы мәліметтерге сәйкес Қазақстанда 109 адам коронавирус жұқтырған, оның екеуі емделіп, жазылып шыққан.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
