Түрмеде отырған Қайрат Сатыбалды Нұрсұлтан Назарбаевқа резиденция сыйлады

Қайрат Сатыбалды немере ағасы бұрынғы президент Нұрсұлтан Назарбаевқа Ұшқоңыр жайлауындағы резиденцияны сыйлады,- деп хабарлайды Азаттық радиосы.

Қаңтар оқиғасынан кейін көп өтпей қамауға алынған Қайрат Сатыбалдыға Астана қаласы №2 Байқоңыр аудандық соты  «серіктерімен бірге 40 миллиард теңгені талан-таражға салды» деген айыппен 6 жылға бостандығынан айырып, мүлкін тәркілеу үкімін шығарған болатын. Яғни «тергеудегі адам арест қойылған мүлкін басқа тұлғаға бере алмайды». Бірақ биыл сәуірдің ортасында бұрын Сатыбалдының атында тұрған жайлаудағы резиденция Нұрсұлтан Назарбаевтың иелігіндегі «Елбасы» қорының меншігіне сыйға өткен. Бірақ оның қалай жүзеге асқаны жұмбақ,- дейді Азаттық радиосы зерттеуінде.  

Сот үкімінде Сатыбалдыұлының бойдақ екені, бірақ кәмелет жасына толмаған 7 баласы бары жазылған. Қылмыстық-атқару кодексі бойынша, «сотталған адамның мүлкі оның отбасы тұратын жалғыз үй болса, тәркіленбейді» деген қосымша бар. Бірақ Сатыбалды отбасының басқа үйі болмағандықтан тәркілеу тізіміне кірмеді деген нұсқаға негіз жоқ. Астанада Қайраттың Исмаил атты ұлының атындағы зәулім үйді, Алматы қаласында үш баласының анасы Әсел Бақтиярқызының иелігіндегі 12,5 гектар жерде орналасқан салтанатты сарай, коттедждерді көрсеткен.