Қазір әлем елдерінде тері ауруы витилигомен ауыратын науқастар саны артып келеді. Аталмыш дерт түрі адам денесіне, бет пен теріге аппақ дақ болып түседі. Бұл созылмалы ауру болмаса да, аутоиммундық санаттағы тері ауруы. Витилиго науқас азаматтың денсаулығын әлсіретіп, отбасының өміріне кері әсер етеді. Ол жас талғамайды. Әдетте 20 жасқа дейін дамып, пайда болады.
Қазақстандық дерматолог дәрігерлер осы дертті емдеп-жазудың тәсілдерін енгізу бойынша көп жұмыс атқарды. Мысалы, 13 жыл бұрын Шымкент қаласында витилигоны емдейтін жалғыз-ақ фототерапиялық құрал болыпты. Былтырдан бері еліміздің әр аймағындағы 13 орталықта «Ауруды емдеудің алтын стандарты» жүзеге асуда. Фототерапия әдісі 10 облыстық және 3 республикалық орталықта жүргізіліп жатыр.
Қазіргі таңда Алматыдағы «Витилиго және тері денсаулығы орталығында» хирургиялық отаның 4 түрі қолданылады. Сегіз жыл бұрын еліміз бойынша Шымкент қаласында тұңғыш рет хирургиялық емдеу тәсілі енгізілгені белгілі.
1 жыл ішінде еліміздегі емханаларға витилиго дерті бойынша 12 мыңнан астам пациент шағыммен келген. Алайда, емделушілер мен дәрігерлердің көбі оны емдеуге болатынынан хабарсыз дейді мамандар. Ауруды жасырғысы келетіндер дәрігерге қаралмағандықтан, дерт көбейген.
Денсаулық сақтау министрлігі аурумен күрес шараларын күшейтуді көздеп отыр. Биылғы 24 маусым күні Алматыда тұңғыш рет XIII Әлемдік Витилиго күні аталып өтілмек. Халықаралық штаб-пәтері болып Алматы шаһары таңдалып отыр. «Витилиго: Болашаққа бағдар» атты ауқымды жиынға әлемнің әр елінен дәрігерлер, ғалым-зерттеушілер және пациенттер қатысады. Денсаулық сақтау министрлігі маусым айын ел азаматтарын витилиго жайлы хабардар ету айы деп жариялап отыр.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
