Алматы қаласының құтқару қызметі Медеу ауданында, теңіз деңгейінен шамамен 2300 метр биіктіктегі Шүкір сарқырамасында өз бетінше түсе алмаған екі жасөспірімге көмек көрсетті, деп хабарлайды Malim.kz.
Оқиға орнына «БАУ» құтқару қызметінің экипажы аттанды. Құтқарушылар жасөспірімдерді тауып, оларды қауіпсіз аймаққа дейін жеткізді. Медициналық көмек қажет болған жоқ, олар өз бетімен үйлеріне қайтты.
Төтенше жағдайлар министрлігі тауға серуендеу кезінде қауіпсіздік ережелерін қатаң сақтау қажеттігін ескертеді. Қажет болған жағдайда 112 нөміріне хабарласу керек.
