Ақ Жайық басылымы хабарлайды.
Атырау полициясы 66 жастағы зейнеткер әйелді ұстады. Ол Привокзальный мөлтек ауданындағы пәтерлерді аралап, ақырзаман туралы діни мәтіні бар парақтар таратып жүр екен.
Парақта:
«Послѣдній наборъ людей къ Богу изъ всѣхъ сатанинскихъ вѣръ и народовъ».
- деп жазылыпты.
Дін істері басқармасының хабарлауынша, зейнеткер әйел ешқандай діни ұйымның мүшесі емесін, тек "жүрек қалауымен" әрекет еткенін айтқан. Әйелге қатысты Әкімшілік Кодекстің 449 және 490 баптары бойынша іс қозғалды. 449 бап - уақ бұзақылыққа, 490 бап - дін туралы заңды бұзуға қатысты.
"Полиция әйелді бөлімшеге жеткізді. Тәркіленген материалдар діни сараптамаға жіберілді", -
деп нақтылады басқарма өкілдері.
