Жамбыл облысында мектеп оқушылары зорланған. Тергеу басталды

Жамбыл облысында 3-сынып оқушыларын зорлау оқиғасы тергеуге алынды.  КТК телеарнасының мәліметінше, азғындық әрекетті Шу ауданының 30 жастағы тұрғыны жасаған. Ол тоғыз жастағы екі жеткіншекті ұзақ уақыттан бері зорлап келген. Үшінші сынып оқушыларына әлімжеттік жасады деген күдікті ұсталып, қамауға алынды.

Тергеу барысында анықталғандай, оқиға наурызда қараусыз қалған ғимаратта болған. Бұл жөнінде зардап шеккендердің бірінің анасы мәлім еткен. Оның тоғыз жастағы ұлы ауруханаға түскен, сол кезде дәрігерлер бала ауыр жарақат алғанын анықтапты.

Шу ауданының тұрғындары күдікті деп танылған ер адам жергілікті мешіттердің бірінде имамның көмекшісі болғанын айтып отыр. Бірақ бас имам бұл деректі жоққа шығарып, қоластында ондай қызметкер мүлдем болмағанын жеткізді. Оның балаларды ата-анаңа күш көрсетемін деп қорқытқаны мәлім болды.

Азғындық іске қатысты делінген азамат бұған дейін де мектеп оқушыларына қысым көрсеткен деген болжам бар. Полиция әзірге өзге мәліметтерді жарияға шығарған жоқ.

Жамбыл облысы ПД баспасөз хатшысы Гүлсара Мұхтарқұлова «Полиция қызметкерлерімен жедел іздестіру шараларын жүргізгенде Шу ауданының 30 жастағы тұрғыны ұсталды. Бұл дерек бойынша ҚР ҚК 12-бабының 4-бөлігімен соталды тергеп-тексеру басталды. Күдіктіге қатысты Шу ауданының соты қамауға алу бұлтартпау шарасын бекітті. Барлық сараптама тағайындалды", - дейді.