Қазақстандық Ерғали Шәмей 2024 жылғы Паралимпиада ойындарында күміс медаль жеңіп алды, - деп хабарлайды Malim.kz.
Спортшы пара дзюдодан тұғыр биігіне көтерілді. Ерғали 73 келі салмақта (J1 санаты) финалға дейін жетіп, ақтық сында румыниялық Флорин-Александру Бологаға жол берді.
Осылайша, Париждегі Паралимпиада ойындарын күміс медальмен аяқтап отыр.
Еске салайық, бүгін J2 санатында сынға түскен парадзюдошы Даяна Федосова Паралимпиаданың қола жүлдегері атанды. Ол 57 келі салмақта сынға түсіп, кіші финалда түркиялық қарсыласын жеңді.
Айта кетейік, Паралимпиада ойындарындағы Қазақстан құрамасының жүлделер саны жетеу.
Фото: ҰОК
Байланысты жаналықтар
MalimBlocks
