Еуро-2024. Алғашқы жартылай финалда Испания мен Франция кездеседі
Испания мен Франция арасындағы супер ойын бүгін Астана уақыты бойынша түнгі 00:00-де басталады
![](/images/article-img/1600/23131-1720533110-m.jpeg)
Бүгін, 9 шілдеден 10 шілдеге қараған түні, футболдан Еуропа чемпионатының бірінші жартылай финалдық матчы өтеді, деп хабарлайды Malim.kz.
Испания мен Франция арасындағы супер ойын бүгін Астана уақыты бойынша түнгі 00:00-де басталады.
УЕФА-ның ресми сайтының ақпаратынша, Испания командасына екі футболшы көмектесе алмайды. Яғни дисквалификацияға байланысты кездесуге қорғаушылар Дани Карвахаль мен Робен Ле Норман қатыспайды. Сондай-ақ жарақат алып қалған жартылай қорғаушы Педридің де қатысуы екіталай.
Ал Франция командасында еш мәселе жоқ. Дисквалификациядан өткен Адриан Рабьо құрамаға қайта оралды.
Испания-Франция матчының болжамды құрамы:
Испания: Унай Симон; Навас, Начо, Ляпорт, Кукурелья; Ольмо, Родри, Фабиан Руис; Ямаль, Мората, Уильямс.
Франция: Меньян; Кунде, Салиба, Упамекано, Эрнандес; Канте, Чуамени, Камавинга, Гризманн; Коло-Муани, Мбаппе.
Айта кетейік, соңғы 10 жылда ұлттық құрамалар үш рет кездесті. Франциялықтар екі рет жеңіске жетсе, бір рет Испания басым түскен.
Фото: uefa.com