Францияның сатиралық «Шарли Эбдо» журналы Мұхаммед пайғамбар туралы карикатура жариялады.
Басылымның жаңа шығарылымы 2015 жылдың қаңтарында «Шарли Эбдо» апталық редакциясында және Hyper Cacher супермаркетінде жасалған террорлық іс бойынша сот процесінің басталуы қарсаңында шығып, журнал 2 қыркүйекте сатылымға шыққан.
"2015 жылдың 7, 8 және 9 қаңтарындағы терактілер туралы арнайы шығарылым", - деп жазылған газет парақшасында.
2005 жылдың 30 қыркүйегінде Данияның "Юлландс-постен" газетінде пайғамбарды бейнелейтін 12 карикатура жарияланған болатын. «Шарли Эбдо» сатиралық басылымы бұл карикатураны қайта басып шығарып, шу шығарған еді. Карикатура мұсылмандардың наразылығын туғызып, ал басылым редакторы Филип Валь 2007 жылы сот алдына келіп, ақталып шыққан болатын.
Іс бойынша сот тыңдалымы 2 қыркүйекте басталады. Азаматтық арыз берген 200 адам сот процесіне қатысады. Сот түгел видеоға жазылып, Францияның тарихи архивіне өткізіледі. Сот 10 қарашаға дейін созылуы мүмкін.
