Шымкент қаласына қарасты «Қазығұрт» елдімекенінде жаңа Мәдениет үйі бой көтермек. Бүгін Шымкент қаласы әкімінің бірінші орынбасыры Шыңғыс Мұқан және Абай ауданы әкімі Бұхарбай Парманов және қалалық мәслихат депутаттары «Қазығұртқа» арнайы барып, 0,15 га жерге салынбақ Мәдениет үйінің жобасымен танысты.
Бір айта кетерлігі бұл Мәдениет үйін жергілікті түрік-әзірбайжан ұлысының өкілдері жеке қаражаттарына салып беріп, Тәуелсіздіктің 30 жылдығына тарту етпек.
–1 мамыр Қазақстан халқы бірлігі күні мерекесі - баршамызға құтты болсын! Бір мемлекетте ұлт болып ұйысып тұрғаннан соң, қоян-қолтық араласып, бір-бірімізбен тату-тәтті тұрып, еліміздің дамуына өз үлесімізді қоса берейік. Бүгінгі бастамаларыңыз құтты болып, қаламыз көркейе берсін, – деді көпшілік алдында қала әкімінің бірінші орынбасары Шыңғыс Мұқан.
Кәсіпкер, түрік ұлысының өкілі Нәсіп Асланұлының Мәдениет үйін салу бастамасын Өзбек мәдени орталығының жетекшісі Икрамжан Акрамұлы да қолдап отыр. ОЛ Шымкенттің Қызылжар елдімекеніне өзбек этносының атынан мәдениет үйін салып беруге уәде берді.
