Студенттер офлайн оқуға қашан оралады?

Malim Админ

  • 02.03.2021

Бүгін өткен онлайн брифингіде білім және ғылым министрінің орынбасары Шолпан Қаринова жоғарғы оқу орындарының студенттері офлайн форматқа қашан оралады деген сұраққа жауап берді.

Бас санитардың қаулысымен эпидемиологиялық жағдай жақсарғандықтан, 1-5-сынып оқушылары 1 наурыздан бастап мектепке оралып, дәстүрлі форматта оқып жатыр. "Ал жоғарғы оқу орындарының студенттері дәстүрлі форматқа қашан оралады" деген "Азаттық" тілшісінің сұрағына білім және ғылым вице-министрі былай деді:

– Біз әу бастан әуелі аралас, кейін дәстүрлі форматқа көшу туралы шешім кезең-кезеңімен қабылданатынын айттық.Елде, тіпті әлемде мұндай жағдай бірінші рет болып тұр. 1-5-сыныптарға мектепке оралуға рұқсат еттік. Ал 6,7,8, және 10-сыныптар қашықтан оқуды жалғастырады. Барлық білім беру мекемелерінде шешім кезең-кезеңімен қабылданады. Біз мұны денсаулық сақтау министрлігімен талқылап, бірге шешім қабылдаймыз, – деді Ш.Қаринова.

Алайда білім және ғылым министрінің орынбасары бүкіл курстағы студенттерді офлайн форматқа көшіру туралы шешім қашан қабылданатынын нақты айтпады.

– 1 қыркүйекте оқу жылы басталғанда мектептерге қатысты бір шешім, ал колледж бен университеттерге мүлде басқа шешім болды. Сондықтан біз оқу процесіне қатысты мынау бірінші, ал мынау екінші шешім деп анықтап жатпаймыз. Жас ерекшелігіне байланысты шешім қабылдадық. Мектеп оқушылары – жас балалар, оларға онлайн форматта оқу қиын. Ал студенттер – жастар, олар жеке гигиена мен  оқу процесін ұйымдастыру мәселелеріне байыппен қарайды. Келесі кезеңдегі шешімдер осыған байланысты қабылданады, – деді Ш.Қаринова.

Байланысты жаналықтар

ЖОО студенттері екінші семестрде қалай оқиды?

12.01.2021

Қашықтан оқу: студенттер тағы тау мен шатырға шығып оқи ма?

26.08.2020

Онлайн оқудың азабы. Студенттер сөйлейді

15.03.2021

Еспаева не дейді, Аймағамбетов не дейді?

09.09.2020

Оқушылар базарда жүр: Аймағамбетов жауапты ма?

23.10.2020

ҰБТ электронды форматта өтеді

05.04.2021
MalimBlocks
ЖОО студенттері екінші семестрде қалай оқиды?

Қашықтан оқу: студенттер тағы тау мен шатырға шығып оқи ма?

Онлайн оқудың азабы. Студенттер сөйлейді

Еспаева не дейді, Аймағамбетов не дейді?

Оқушылар базарда жүр: Аймағамбетов жауапты ма?

ҰБТ электронды форматта өтеді