"Маңғыстауға беретін халықта ақша жоқ. Олигархтардан алсын"

Есдәулет Қызырбекұлы

  • 12.08.2021

Ауыл шаруашылығы министрлігі Маңғыстау облысындағы қуаңшылыққа байланысты халықтан ақшалай көмек берулерін сұрады.

«Ауыл шаруашылығы министрлігінің қызметкерлері қолайсыз табиғи құбылыстардан зардап шеккен тұрғындар мен фермерлерге көмек ретінде, өздерінің бір күндік жалақыларын Маңғыстау облысы әкімдігінің ұйымдастыруымен құрылған арнайы шотқа жібереді. Осыған орай, министрлік барлық меншік нысанындағы еңбек ұжымдарын қиын жағдайға тап болған отандастарымызды қолдауға және қолдан келгенше көмек көрсетуге шақырады», - делінген министрлік жариялаған мәлімдемеде.

Бұдан бөлек, ауыл шаруашылығы министрлігі таратқан үндеуде үкімет пен жергілікті атқарушы органдардың қуаңшылықтан зардап шеккен аймақтарда қажетті жұмыстар істеп жатқанын, оған еріктілер де қомақты үлес қосып жатқаны айтылған.

Бірақ министрлік таратқан бұл үндеумен Қазақстанның бұрынғы ауыл шарушылығы министрі Балташ Тұрсымбаев келіспейді. Оның сөзінше, Маңғыстаудағы қуаңшылыққа байланысты үкімет те, министрлік те мардымды жұмыс істемеген.

«Олар (ауыл шаруашылығы министрлігі –ред) ешқандай жұмыс істеген жоқ. Барлығы кабинеттерін күзетіп отырды. Анау үкіметте жұмыс істеген жоқ. Қуаңшылық мамыр айында басталып кеткен. Сол уақыттан бастап мал қырыла бастады. Оған ешқандай шара қолданған жоқ. Ауыл шаруашылығы министрлігінен ешқандай ұсыныс болған жоқ, «жабулы қазан жабулы күйінде жатты». Үндемей отырды. Мал қырылды. Қазір енді халық күйзелісте. Сондықтан ана жерге дұрыс министр керек, халыққа жаны ашитын», - дейді Тұрсымбаев.

Балташ Тұрсымбаев ауыл шаруашылығы министрлігінің халықтан көмек сұрау бастамасын «орта ғасырдағы жылу жинау науқанына» балайды. Оның сөзінше, билік саяси реформаны жүргізе алмай, жемқорлық жайлаған соң, шарасыздықтан халықтан ақша сұрауға кіріскен.

«Билік саяси реформаны жүргізе алмай, жемқорлық жайлаған соң халықтан ақша сұрауда. Орта ғасырда жылу жинау деген әңгіме болатын. Орта ғасырлық үндеуді жасауға көшкен ғой. Бұл недеген сұмдық? Бюджетте ақша бар. Маңғыстау облысы мұнайының ақшасын есептесін. Содан бөлсін. Қазір халыққа ақшасын беріп, жем-шөбін апару керек... Қарашөкеевті министр етіп тағайындайын деп отыр ғой. Оның ұйымдастыру жағынан ешқандай тәжірибесі жоқ адам. Ол өзі осыған дейін істеген жұмыстарын жалғастырсын. Ауыл шаруашылығында несі бар оның. Қазір халықтан жылу жинайын деп жатыр. Халықта қайдағы ақша? Халықта ондай ақша жоқ. Өздерінің олигархтарынан, бизнесмендерінен, тендер беретіндерінен алсын», - дейді Тұрсымбаев.

Бұған дейін ауыл шаруашылығы министрінің міндетін атқарушы Ербол Қарашөкеев Маңғыстау облысына жасаған сапарында мал азығының бағасын тұрақтандыру мақсатыда бюджеттен 1,9 миллиард теңге бөлінгенін айтқан. Бұл қаржы 29,5 мың ірі қара, 123,6 мың жылқы, 85,7 мың түйе, 613,5 мың ұсақ малы бар облысқа жеткілікті ме, жоқ па? Ол жағы үлкен сұрақ. Бұдан бөлек, күні кеше ауыл шаруашылығы министрлігі халықтан көмек сұрап жариялаған үндеуінде Маңғыстау облысына қанша мөлшерде қаржылай көмек қаржет екені де айтпаған. Тек банк реквизиттерін жариялаған.  

Көктем шыққалы бері Маңыстау өңіріндегі қуаңшылық мәселесі шешілмей келеді. Осыған дейін ауыл шаруашылығы министрлігі «қуаңшылық жайлаған аудандардың малын өзге облыстарға апару» сияқты бастамалар көтерген. Бірақ ол да үлкен сынға ұшыраған. Қарсы тарап «бір жердің малы өзге аймақтың шөбі мен суын жерсінбейді» деген уәж айтқан.

Маңғыстау облысының шаруаларына көмек ретінде жем-жөп жіберу науқанын белсенділер министрлік көмек сұрамай тұрып бірнеше ай бұрын бастап кеткен.

Байланысты жаналықтар

Үш баланы өлтіру. Полицейлер бірін бірі терістеп жатыр.

04.05.2023

«Жауабыңыз қабылданбайды» – Әбдіғалиұлының сөзі Смайыловқа ұнамай қалды

17.01.2023

Каспий итбалығының тағдыры: Балықшылар, мұнайшылар, емшілер және жүкті әйелдер

14.06.2022

Бозымбаев чипсы жемейді. Баталовтың өтірігі. Қарашөкеевтің арманы

14.12.2021

Ереуілге шыққандар айлықтарын көбейтіп алды

12.11.2021

«КаспийЦемент» жұмысшылары президенттен еңбек дауын шешіп беруді сұрады

11.11.2021
MalimBlocks
Үш баланы өлтіру. Полицейлер бірін бірі терістеп жатыр.

«Сириядағы соғысқа қатыспаған». Бір жарым ай бұрын Ақтауда ажырасқан әйелінде кеткен үш баласын қастандықпен өлтірген әкенің діни жат ағымның жетегінде кеткені туралы ел арасында түрлі әңгіме айтылған еді

«Жауабыңыз қабылданбайды» – Әбдіғалиұлының сөзі Смайыловқа ұнамай қалды

Бюджеттен ақшаның кешігіп түсу себебін отырыста баяндама жасаған Қуантыровтан да бір сұрай салуы керек пе еді...

Каспий итбалығының тағдыры: Балықшылар, мұнайшылар, емшілер және жүкті әйелдер

Каспий итбалығы – Қазақстанды мекен еткен теңіздегі жалғыз сүтқоректі жануар. Кезінде жануардың терісі мен майы бағалы болғандықтан, есепсіз қырылған. 2008 жылы жоғалып кетуі мүмкін жануар ретінде Халықаралық табиғатты қорғау ұйымының тізіміне енсе, 2020 жылдан бері Қазақстанның Қызыл кітабына енген. Malim Media санаулы қалған Каспий итбалығының сақтау үшін Қазақстан билігі қандай шара қолданып жатқанын зерттеп көрді.

Бозымбаев чипсы жемейді. Баталовтың өтірігі. Қарашөкеевтің арманы

Ереуілге шыққандар айлықтарын көбейтіп алды

«КаспийЦемент» жұмысшылары президенттен еңбек дауын шешіп беруді сұрады

Маңғыстау облысында «Каспий цемент» ЖШС жұмысшылары екі күннен бері наразылық білдіріп, жұмысын тоқтатты.