Коронавирус: Зейнеткер әкімдер жұмысқа шыға ма?

  • 26.03.2020
  • Қанат Тілеухан

Коронавирус кезінде зейнет жасындағы әкімдердің жағдайын кім ойлайды екен?

Дүниежүзіне тарап жатқан коронавирус жасы егде тартқан адамдар үшін аса қауіпті. Біріншіден олардың иммунитеті түсіп кеткен. Екіншіден созылмалы ауруларының көптігінен вирус тез жұғады. Бұл дәрігерлер жасаған қортынды.

Бүгін мәжілісте ондаған депутаттар жұмысқа келген жоқ. Жастары 65-тен асқан мәжілісмендер дүниежүзілік денсаулық сақтау ұйымының нұсқауына сәйкес үйлерінде қалыпты. Олар: Владислав КОСЫРЕВ, Қуаныш СҰЛТАНОВ, Тұрғын СЫЗДЫҚОВ, Владимир БОЖКО, Гүлжан ҚАРАҚҰСОВА бастаған 22 депутат.

Ата заңымызда жазылғандай мемлекет үшін ең құнды азаматтарының өмірі. Пандемия кезінде зейнектер-депутаттардың үйлерінен шықпай отырғаны ләзім. Көбіне парламент қабырғасында отыратын депутаттар үйде де жұмыс жасауларына болады.

Алайда, неге зейнеткер-әкімдерімізді ойламаймыз деген сұрақ туындайды. Мәселен бір адам болсада коронавирус жұқтырған Алматы облысының әкімі Амандық БАТАЛОВ үшін қалай уайымдамайсың. Амандық ҒАБАСҰЛЫ биыл қараша айында 68 жасқа толады. Депутаттармен салыстырған облыс басшысының жұмысы ауыр. Әмбе жабық қалаға айналған Алматымен қаншама ауданы іргелес жатыр. Осындай қиын кезде облыстың тізгінін әкімнің бірінші орынбасары 60 жастағы Ләззат МАХАТҰЛЫНА неге бермеске? Сөз жоқ, Баталов нағыз іскер әкім. Бірақ жасы жетпіске таяған шенеунік үйінде телефон арқылы нұсқаулар беріп отырса Тұрлашов мырза сенімін ақтар.

Коронавирус жұқтырған облыстардың қатарында Жамбыл облысы да бар. Оның да әкімі денсаулық сақтау ұйымының нұсқауына орай үйінде отыру керек. 67 жастағы Бердібек САПАРБАЕВТЫ премьер-министр Асқар МАМИН ойласа дейсің. Онсызда «кризисный менеджер» деп Сапарбаев Ақтөбе облысы әкімі қызметінен ауысқалы бір орында тұрақтайтын емес.

Ауыр індет тараған Қытаймен шекаралас жатқан Шығыс Қазақстан облысында вирус жұқтырған адам жоқ. Жергілікті шенділер қазір төтенше режимде жұмыс жасап жатыр. Естеріңізде болса, ақпан айында Зайсан ауданында «коронавирус жұқтырғандар Қытайдан келіпті» деген әңгіме шығып, 66 жастағы Даниал АХМЕТОВ алыстағы ауданға аттанған еді. «Сақтықта қорлық жоқ» деген сөз бар. Сондықтан да Даниал КЕНЖЕТАЙҰЛЫ үшін де алаңдағанымыз жөн.

Бұларға қоса Мемлекеттік хатшы Қырымбек КӨШЕРБАЕВ 1955 жылы туған. Жасы – 65-те.

Ал «Самұрық-Қазына» Ұлттық әл-ауқат қорының басшысы Ахметжан ЕСІМОВ 1950 жылы туған. Биыл жетпіс жаста.

Коллаж: malim.kz

Байланысты жаналықтар

Айсұлтан Назарбаев: Адамдарды революцияға шақырғым келмейді

24.02.2020

Біртановтың "Б" жоспары күл-талқан болды

21.06.2020

Дүңгендер кім және қайдан келген?

08.02.2020

Шегіртке дауымен шенеунік сотталып кетті

17.05.2020

80 постқа 10 миллион теңге төлейді

21.05.2020

Індет кезіндегі джип-сафари: Сапарбаев сөгіс ала ма?

07.07.2020